O 24 de abril, CCOO Ensino, ANPE, UGT-SP e CSIF anunciamos coa Consellería unha proposta consensuada de medidas que entrarán en vigor o 1 de setembro de 2026, tras o seu paso polos órganos de negociación.
Este 1º de Maio de 2026, desde a Sección sindical de CCOO na USC, chamamos ao PDI, PTXAS e Persoal investigador a mobilizarse baixo o lema: Dereitos, non trincheiras. Salarios, vivenda e democracia. Nun contexto internacional marcado pola guerra, a inestabilidade e o avance de proxectos autoritarios, e nun contexto estatal no que a desigualdade segue medrando, a universidade pública non é allea aos problemas da … Ler máis
Facemos pública esta plataforma reivindicativa como unha chamada a todas as Administracións educativas implicadas, ás patronais e a toda a sociedade para poñérmonos mans á obra.
Froito do diálogo e do traballo constante entre CCOO Ensino, ANPE, UGT-SP e CSIF e a Consellería de Educación, nas vindeiras semanas pasará polos órganos correspondentes de negociación E APROBARASE unha proposta normativa para implementar a 1 de setembro de 2026 as seguintes medidas
Consideramos imprescindible desbloquear a negociación no ensino concertado. Tras unha reunión sen avances, entregamos na Consellería de Educación e rexistramos oficialmente un documento coas principais reivindicacións do sector: actualización das condicións laborais, melloras na xubilación parcial e recoñecemento para o persoal de administración e servizos. Exiximos un cambio de actitude e a apertura inmediata dun proceso de negociación real.
Por primeira vez, o sistema universitario español contará con máis universidades privadas ca públicas no curso 2026-27. Analizamos o caso da nova Universidade de Mallorca e advertimos dun cambio de modelo que favorece a mercantilización da educación superior, nun contexto de infrafinanciamento da universidade pública e de falta de control efectivo na creación de novos centros.
A Lei sobre a xornada lectiva do profesorado e as ratios inicia o seu trámite parlamentario tras a súa aprobación no Consello de Ministras e Ministros. Trátase dun avance relevante, froito da presión e do traballo negociador de CCOO, aínda que insuficiente: seguimos reclamando un Estatuto Docente integral que mellore as condicións laborais e o recoñecemento do profesorado.
Esta folga será o punto de partida dunha serie de mobilizacións que confluirán en Madrid o vindeiro 23 de maio. As Federacións estatais de Ensino e de Servizos á Cidadanía de CCOO presentamos en conferencia de prensa un plan de mobilizacións de ámbito estatal para o primeiro ciclo de Educación Infantil (0-3 anos), tanto nos centros de carácter privado como … Ler máis
Abrimos a matrícula do curso en liña A función pública docente na etapa de educación primaria 2026. Supostos prácticos, unha formación telepresencial de 12 horas orientada á preparación da oposición e ao coñecemento da organización dos centros, protocolos educativos, atención á diversidade e resolución de casos prácticos. Prazas limitadas ata completar aforo.
Desde CCOO urximos o Goberno a aprobar de inmediato a xubilación parcial do persoal laboral nas Administracións públicas e o resto de medidas xa pactadas no diálogo social. Defendemos que tamén se inclúan melloras na pensión de viuvez das parellas de feito e avances na xestión da incapacidade temporal, mentres continúan negociándose as cuestións aínda pendentes.