Retribucións no ensino público

Está pendente de percibir a suba variable e xa aprobada do 0,5 %, correspondente ao ano 2024, que se cobrará con efecto retroactivo desde xaneiro de 2024.

Cadro resumo de retribucións 2025

Consulta o cadro resumo que contén as retribucións mensuais detalladas; descontos de pasivos, MUFACE e cota obreira; trienios e sexenios; cargos directivos, e complementos.

As novidades para 2025 son un 10 % de suba en sexenios e complemento de titoría e 20 euros de suba nos complementos polo desempeño de órganos unipersoais de goberno (equipos directivos e outros). Estas subas proveñen da sinatura de CCOO do “Acordo de medidas de mellora” en outubro de 2023 coa Xunta de Galicia.

Non inclúe o 0,5 % retroactivo de 2024, que cobraremos todo xunto, correspondente á suba variable e xa aprobada do exercicio 2024. Este novo incremento vén derivado da sinatura de CCOO, co Goberno de España en 2022, do Acordo Marco para unha Administración do Século XXI.

Normativa

Revista TE de retribucións 2024

Toda a información, completa e actualizada, sobre as retribucións para docentes do ensino público no ano 2024. Inclúe o 0,5% retroactivo de 2023, cobrado a partir da nómina de febreiro e o 2% retroactivo para 2024, cobrado a partir da nómina de xullo, ademais das subas do Acordo de medidas de mellora.

Mesmos obxectivos, pero distintas estratexias

Melloras retributivas obtidas ao combinar as estratexias de mobilización e negociación desde o ano 2018. Un documento moi detallado no que se aclara de onde saen as cifras, para que cada persoa poida comprobar como evolucionou o seu salario ano a ano.

Máis contas e menos contos

Por desgraza, debemos continuar coa serie de aclaracións sobre as desinformacións intencionadas que se están publicando sobre o Acordo de medidas que melloran o funcionamento do sistema educativo e as condicións laborais do persoal funcionario e laboral docentes. Pero como di o refrán… Quen cala, outorga!

Nesta ocasión toca explicar cales son as cantidades das melloras retributivas e como se reparten entre o profesorado en función das súas características.

Calculadora do acordo retributivo 2022-2024 de CCOO

Preme sobre a imaxe da dereita para acceder á calculadora interactiva e coñecer como te beneficia o acordo retributivo acadado por CCOO para o período 2022-2024.