Abrimos a preinscrición no curso “Comezar con bo pé”, unha formación de 50 horas en Moodle para acompañar o profesorado que se incorpora á xefatura dun departamento de orientación.
Abrimos a preinscrición no curso “Presente e futuro”, unha formación de 40 horas en Moodle para coñecer aspectos clave da carreira docente, a mobilidade e as condicións laborais.
Consulta a oferta formativa de CCOO Ensino para o curso 2026/27, organizada por trimestres, con información sobre datas, modalidade, horas, prazas e custo.
CCOO Ensino, ANPE, UGT-SP e CSIF valoramos positivamente o inicio do paso pola Mesa Sectorial das primeiras medidas derivadas da comisión de seguimento do Acordo de mellora do ensino público. As propostas permitirán aplicar novos avances no curso 2026/27.
A Lei sobre a xornada lectiva do profesorado e as ratios inicia o seu trámite parlamentario tras a súa aprobación no Consello de Ministras e Ministros. Trátase dun avance relevante, froito da presión e do traballo negociador de CCOO, aínda que insuficiente: seguimos reclamando un Estatuto Docente integral que mellore as condicións laborais e o recoñecemento do profesorado.
Abrimos a matrícula do curso en liña A función pública docente na etapa de educación primaria 2026. Supostos prácticos, unha formación telepresencial de 12 horas orientada á preparación da oposición e ao coñecemento da organización dos centros, protocolos educativos, atención á diversidade e resolución de casos prácticos. Prazas limitadas ata completar aforo.
Galicia ten a oportunidade de situarse á vangarda dun modelo educativo dixital que poña as persoas no centro. Para iso, é necesario partir das recomendacións internacionais e das demandas do profesorado galego.
CCOO seguirá traballando para que a innovación non sexa sinónimo de precariedade nin de perda de control público sobre o sistema educativo.
Da man da empresa Demométrica, a Federación de Enseñanza de CCOO elaborou un estudo que recolle as opinións de docentes de centros de titularidade pública e privada concertada para coñecer de preto cales son os desafíos máis urxentes na actualidade e para o futuro.
CCOO Ensino, como primeira forza sindical do ensino na provincia de Ourense e a raíz do conflito existente no IES As Lagoas desta cidade, encabezou a manifestación convocada pola Xunta de persoal docente non universitario en defensa da dignidade do profesorado.
Esiximos o posicionamento do Director Territorial de Educación en defensa do profesorado afectado, a dignificación da nosa profesión e a preservación da dignidade do profesorado, e dende esta Xunta de Persoal Docente tamén facemos un chamamento ao profesorado do ensino público para que participe na concentración que levaremos a cabo o vindeiro mércores día 12 de marzo ás 19:00 horas, na rúa Concello, diante da Dirección Territorial de Educación.