Desde CCOO Ensino cualificamos de provocación que Alfonso Rueda inaugurase o curso nun centro concertado falando de calidade educativa mentres a Xunta segue sen dar resposta ás reivindicacións laborais dun sector que vén de mobilizarse o 9 de setembro.
A folga do ensino concertado galego supera o 60 % de seguimento e leva milleiros de persoas ás rúas. As organizacións sindicais advirten á Xunta de que a mobilización continuará mentres persista o bloqueo da negociación e non se atendan as reivindicacións laborais e salariais do sector.
Na rolda de prensa de hoxe, na que se anunciou a folga do ensino concertado deste mércores 9 de setembro, desde CCOO Ensino deixamos claro que non falamos de modelos educativos, senón de dereitos laborais, igualdade salarial e cumprimento dos acordos asinados.
A comunidade educativa do ensino concertado de Galicia inicia o curso reclamando á Consellería a apertura inmediata da Mesa Tripartita, o cumprimento dos acordos pendentes e a homologación das condicións laborais e salariais. As organizacións sindicais anunciamos mobilizacións, unha folga parcial e concentracións o 9 de setembro.
Os servizos xurídicos de CCOO conseguen que a Xustiza declare improcedente o despedimento dunha traballadora temporal de cociña da Consellería de Educación e conceda unha indemnización de 9163,20 euros.
CCOO Ensino trasladamos ao conselleiro de Educación as reivindicacións do persoal do ensino concertado no Encontro de Educadoras e Educadores celebrado en Santiago.
O ensino concertado inicia mobilizacións ante a falta de avances na Comisión Tripartita e reclama á Consellería a apertura inmediata de negociacións sobre condicións laborais e melloras salariais para o PAS.
Consideramos imprescindible desbloquear a negociación no ensino concertado. Tras unha reunión sen avances, entregamos na Consellería de Educación e rexistramos oficialmente un documento coas principais reivindicacións do sector: actualización das condicións laborais, melloras na xubilación parcial e recoñecemento para o persoal de administración e servizos. Exiximos un cambio de actitude e a apertura inmediata dun proceso de negociación real.
Abrimos a matrícula do curso en liña A función pública docente na etapa de educación primaria 2026. Supostos prácticos, unha formación telepresencial de 12 horas orientada á preparación da oposición e ao coñecemento da organización dos centros, protocolos educativos, atención á diversidade e resolución de casos prácticos. Prazas limitadas ata completar aforo.
CCOO Ensino reivindicamos décadas de loita e conquistas a prol do persoal de apoio educativo, cunha traxectoria de avances reais acadados mediante negociación, mobilización e defensa xudicial.
Ao mesmo tempo, esiximos á Consellería a apertura inmediata dunha mesa específica para abordar ratios, funcións, condicións laborais e recoñecemento profesional dun colectivo esencial para o funcionamento dos centros educativos.