Desde CCOO Ensino facemos unha valoración moi positiva da xornada de folga de hoxe. As organizacións sindicais convocantes ciframos nun 65 % o seguimento do paro, mentres que máis de 2.500 persoas se mobilizaron en Compostela, a pesar das condicións meteorolóxicas adversas.
Desde CCOO Ensino cualificamos de provocación que Alfonso Rueda inaugurase o curso nun centro concertado falando de calidade educativa mentres a Xunta segue sen dar resposta ás reivindicacións laborais dun sector que vén de mobilizarse o 9 de setembro.
Na rolda de prensa de hoxe, na que se anunciou a folga do ensino concertado deste mércores 9 de setembro, desde CCOO Ensino deixamos claro que non falamos de modelos educativos, senón de dereitos laborais, igualdade salarial e cumprimento dos acordos asinados.