As organizacións sindicais reclamamos ao conselleiro a convocatoria inmediata da Mesa Tripartita do Ensino Concertado e a apertura dun calendario real de negociación. Ante a falta de resposta da Consellería, anunciamos novas xornadas de folga os días 6 de outubro, 10 de novembro e 15 de decembro.
O Real decreto 723/2026, que se publicou o 15 de setembro de 2026, no BOE, traspón parcialmente a Directiva (UE) 2019/1152, do Parlamento Europeo e do Consello, do 20 de xuño de 2019, relativa a unhas condicións laborais transparentes e previsibles na Unión Europea, cuxa trasposición completa está paralizada no Congreso.
Desde CCOO Ensino cualificamos de provocación que Alfonso Rueda inaugurase o curso nun centro concertado falando de calidade educativa mentres a Xunta segue sen dar resposta ás reivindicacións laborais dun sector que vén de mobilizarse o 9 de setembro.
A folga do ensino concertado galego supera o 60 % de seguimento e leva milleiros de persoas ás rúas. As organizacións sindicais advirten á Xunta de que a mobilización continuará mentres persista o bloqueo da negociación e non se atendan as reivindicacións laborais e salariais do sector.
A comunidade educativa do ensino concertado de Galicia inicia o curso reclamando á Consellería a apertura inmediata da Mesa Tripartita, o cumprimento dos acordos pendentes e a homologación das condicións laborais e salariais. As organizacións sindicais anunciamos mobilizacións, unha folga parcial e concentracións o 9 de setembro.
CCOO Ensino trasladamos ao conselleiro de Educación as reivindicacións do persoal do ensino concertado no Encontro de Educadoras e Educadores celebrado en Santiago.
Abrimos a preinscrición no curso “Presente e futuro”, unha formación de 40 horas en Moodle para coñecer aspectos clave da carreira docente, a mobilidade e as condicións laborais.
CCOO Ensino reclamamos que a redución da xornada lectiva e das ratios chegue tamén ao persoal do ensino concertado. A Federación de enseñanza de CCOO rexistrou unha petición para que estes avances se estendan a todos os centros sostidos con fondos públicos.
CCOO Ensino rexeitamos a cláusula dos pregos das escolas infantís municipais da Coruña que permite ás empresas ofertar actividades de fin de semana sen custo para o Concello, utilizando persoal das propias escolas. Esiximos a súa retirada e defendemos un modelo baseado no investimento público, no emprego digno e na calidade educativa.
CCOO participou na concentración convocada no marco da folga estatal do primeiro ciclo de Educación Infantil para reclamar condicións laborais dignas, recoñecemento profesional e unha aposta real por unha etapa educativa pública, gratuíta e de calidade.