CCOO participou na concentración convocada no marco da folga estatal do primeiro ciclo de Educación Infantil para reclamar condicións laborais dignas, recoñecemento profesional e unha aposta real por unha etapa educativa pública, gratuíta e de calidade.
O ensino concertado inicia mobilizacións ante a falta de avances na Comisión Tripartita e reclama á Consellería a apertura inmediata de negociacións sobre condicións laborais e melloras salariais para o PAS.
Consideramos imprescindible desbloquear a negociación no ensino concertado. Tras unha reunión sen avances, entregamos na Consellería de Educación e rexistramos oficialmente un documento coas principais reivindicacións do sector: actualización das condicións laborais, melloras na xubilación parcial e recoñecemento para o persoal de administración e servizos. Exiximos un cambio de actitude e a apertura inmediata dun proceso de negociación real.
A Lei sobre a xornada lectiva do profesorado e as ratios inicia o seu trámite parlamentario tras a súa aprobación no Consello de Ministras e Ministros. Trátase dun avance relevante, froito da presión e do traballo negociador de CCOO, aínda que insuficiente: seguimos reclamando un Estatuto Docente integral que mellore as condicións laborais e o recoñecemento do profesorado.
CCOO Ensino reivindicamos décadas de loita e conquistas a prol do persoal de apoio educativo, cunha traxectoria de avances reais acadados mediante negociación, mobilización e defensa xudicial.
Ao mesmo tempo, esiximos á Consellería a apertura inmediata dunha mesa específica para abordar ratios, funcións, condicións laborais e recoñecemento profesional dun colectivo esencial para o funcionamento dos centros educativos.
Desde CCOO Ensino analizamos o anteproxecto de modificación das listas de contratación presentado na Mesa Xeral.
Denunciamos a situación límite que atravesa o primeiro ciclo de Educación Infantil (0-3), marcado por ratios elevadas, salarios precarios e falta de recoñecemento profesional. Reclamamos condicións laborais dignas para as traballadoras dun sector esencial para o sistema educativo e lembramos que sen un 0-3 de calidade non pode existir unha educación verdadeiramente xusta.
O persoal non docente é imprescindible para o funcionamento dos centros educativos, pero continúa sen o recoñecemento nin as condicións laborais que lle corresponden. CCOO Ensino presentamos por rexistro a solicitude de apertura dunha mesa de negociación para abordar de forma global as súas demandas e adaptar as condicións á realidade actual dos centros.
CCOO Ensino valoramos o acordo acadado no sector de menores como un avance relevante, froito dun proceso de negociación serio e sostido. Un resultado que é posible, no marco do convenio estatal, grazas ao traballo sindical responsale.
A educación non se pode xestionar simplemente desde criterios de eficiencia económica nin limitarse a comparacións simplistas.