Unha vez coñecido o nomeamento de Ángeles Vázquez como nova conselleira de Política Social, a Secretaria Xeral de CCOO Ensino, Noelia Sánchez Vaamonde, solicitou formalmente unha reunión con ela para abordar as principais problemáticas que afectan os sectores de Menores, Discapacidade e Educación Infantil de 0 a 3 anos.
A marcha de Fabiola García a Madrid é unha boa ocasión para facer balance dun mandato marcado pola falta de diálogo, o desprezo á representación legal das persoas traballadoras e a ausencia de respostas ás reivindicacións dos sectores de Discapacidade, Menores e Educación Infantil 0-3.
CCOO Ensino denunciamos que a Xunta presume de apoiar o ensino concertado mentres mantén bloqueadas as melloras salariais e laborais das súas profesionais. Esiximos que o financiamento público garanta condicións dignas e que a Administración deixe de confrontar as traballadoras dos distintos ámbitos educativos e sociais.
CCOO Ensino critica con dureza a deriva da Consellería de Política Social, que volve demostrar que a súa prioridade non é mellorar o primeiro ciclo de Educación Infantil (0-3), senón protexer o actual modelo de financiamento da rede privada subvencionada, mesmo a costa da calidade educativa, das condicións laborais das traballadoras e do interese superior da infancia.
A unidade sindical nos sectores de Política Social en Galicia viuse quebrada tras a convocatoria unilateral da CIG dunha concentración en Ourense, sen consenso nin comunicación previa, e incumprindo acordos comúns.
CCOO, UGT e USO consideramos inviable a súa continuidade, pero seguiremos traballando polas campañas Mércores de loita nos centros de traballo e Petiscos de realidade en defensa dos dereitos das persoas traballadoras.
As organizacións sindicais asinantes (CIG, CCOO, UGT, USO, CUT e SNEP) informamos ás traballadoras e traballadores dos sectores de Escolas Infantís 0-3, Menores e Discapacidade sobre o resultado das recentes xuntanzas mantidas coas respectivas representacións empresariais/asociación de cada sector.
As organizacións sindicais CIG-Ensino, CCOO, UGT, USO, CUT, FSIE e SNEP, reuníronse o 10 de novembro de 2025 en aras de acadar unha unidade de acción sindical para dar continuidade ás mobilizacións comezadas nos tres sectores de atención ás persoas: discapacidade, menores e infantil 0-3.