Presentamos na Consellería as reivindicacións da Concertada

Consideramos imprescindible desbloquear a negociación no ensino concertado. Tras unha reunión sen avances, entregamos na Consellería de Educación e rexistramos oficialmente un documento coas principais reivindicacións do sector: actualización das condicións laborais, melloras na xubilación parcial e recoñecemento para o persoal de administración e servizos. Exiximos un cambio de actitude e a apertura inmediata dun proceso de negociación real.

Convocamos a todas as traballadoras e traballadores do primeiro ciclo de Educación Infantil (0-3) a unha folga en todo o estado o 7 de maio

Esta folga será o punto de partida dunha serie de mobilizacións que confluirán en Madrid o vindeiro 23 de maio. As Federacións estatais de Ensino e de Servizos á Cidadanía de CCOO presentamos en conferencia de prensa un plan de mobilizacións de ámbito estatal para o primeiro ciclo de Educación Infantil (0-3 anos), tanto nos centros de carácter privado como … Ler máis

Décadas de loita e conquistas a prol do persoal de apoio educativo

CCOO Ensino reivindicamos décadas de loita e conquistas a prol do persoal de apoio educativo, cunha traxectoria de avances reais acadados mediante negociación, mobilización e defensa xudicial.

Ao mesmo tempo, esiximos á Consellería a apertura inmediata dunha mesa específica para abordar ratios, funcións, condicións laborais e recoñecemento profesional dun colectivo esencial para o funcionamento dos centros educativos.

Acordo no sector de menores: avances grazas á negociación colectiva

CCOO Ensino valoramos o acordo acadado no sector de menores como un avance relevante, froito dun proceso de negociación serio e sostido. Un resultado que é posible, no marco do convenio estatal, grazas ao traballo sindical responsale.

Negociación do convenio do ensino concertado: é o momento

A federación estatal de ensino de CCOO organizou unhas xornadas sindicais de traballo con presenza de representantes de todos os territorios do Estado, co fin de realizar unha análise de situación, necesidades, perspectivas e propostas de traballo no ámbito do ensino concertado.

Compensación de festivos en día de descanso: recente sentenza e resolucións

As recentes resolucións do Tribunal Supremo establecen que, cando un festivo coincide co descanso semanal, debe compensarse: o festivo non se “perde”. No ámbito educativo, esta interpretación afecta a convenios como Acción e intervención social, Reforma xuvenil e protección de menores, Ocio educativo e animación sociocultural e Atención a persoas con discapacidade. Porque os descansos son un dereito.

CCOO celebramos o acordo para ampliar os permisos por dó: “Facemos un exercicio de dignidade e humanidade”

A Mesa de Diálogo Social entre os sindicatos e o Goberno de España alcanzou un acordo para ampliar o tempo de permiso retribuído ata os 10 días en caso do falecemento dun familiar, e os dous novos permisos, de 15 días no caso de ter un familiar en coidados paliativos ou dun día para o acompañamento dunha persoa que decida someterse á eutanasia.

Asinado o IV Convenio Colectivo Marco Estatal de Ocio Educativo e Animación Sociocultural

As organizacións sindicais CCOO, UGT e USO, xunto coas organizacións patronais FOESC, AEEISSS, ANESOC e EDUCATIA, asinamos esta mañá o novo IV Convenio Colectivo Marco Estatal de Lecer Educativo e Animación Sociocultural.