CCOO denuncia un grave recorte de dereitos nas listas de contratación da Xunta de Galicia

A modificación do Decreto de listas impulsada pola Xunta elimina garantías, precariza as condicións laborais e favorece a arbitrariedade da Administración. Desde CCOO queremos trasladar ás persoas integrantes das listas de contratación temporal da a nosa profunda preocupación pola modificación do Decreto 37/2006 aprobada pola Administración galega. Para CCOO, esta reforma supón un claro retroceso nos dereitos das persoas aspirantes … Ler máis

Análise xurídica da sentenza do Tribunal Supremo sobre abuso de temporalidade no persoal laboral

Análise da STS 475/2026 sobre abuso da temporalidade no persoal laboral das administracións públicas. A sentenza non afecta ao persoal funcionario interino nin implica a fixeza automática: limita esta posibilidade a supostos moi concretos e abre a vía á indemnización polo abuso cando non proceda declarar a fixeza.

Día do PAE. Imprescindible para a calidade educativa

O 16 de maio celebramos o Día Internacional do Persoal de Apoio Educativo, unha data para recoñecer o labor imprescindible das profesionais que sosteñen cada día os centros educativos. Desde CCOO Ensino reclamamos á Consellería máis persoal, mellores condicións, estabilidade e a apertura dunha mesa específica de negociación para o PAE.

Toda a información da comisión de persoal do 8 de maio de 2026

CCOO votou en contra das propostas de convocatorias tratadas na comisión de persoal ordinaria do 8 de maio ao non aceptarse as alegacións presentadas sobre o sistema selectivo, a promoción interna separada, a ampliación de prazos e o carácter eliminatorio dalgunhas probas.

Urximos o Goberno a aprobar xa a xubilación parcial do persoal laboral nas Administracións públicas

Desde CCOO urximos o Goberno a aprobar de inmediato a xubilación parcial do persoal laboral nas Administracións públicas e o resto de medidas xa pactadas no diálogo social. Defendemos que tamén se inclúan melloras na pensión de viuvez das parellas de feito e avances na xestión da incapacidade temporal, mentres continúan negociándose as cuestións aínda pendentes.

Décadas de loita e conquistas a prol do persoal de apoio educativo

CCOO Ensino reivindicamos décadas de loita e conquistas a prol do persoal de apoio educativo, cunha traxectoria de avances reais acadados mediante negociación, mobilización e defensa xudicial.

Ao mesmo tempo, esiximos á Consellería a apertura inmediata dunha mesa específica para abordar ratios, funcións, condicións laborais e recoñecemento profesional dun colectivo esencial para o funcionamento dos centros educativos.

A Consellería de Educación debe abrir xa unha mesa de negociación para o persoal non docente

O persoal non docente é imprescindible para o funcionamento dos centros educativos, pero continúa sen o recoñecemento nin as condicións laborais que lle corresponden. CCOO Ensino presentamos por rexistro a solicitude de apertura dunha mesa de negociación para abordar de forma global as súas demandas e adaptar as condicións á realidade actual dos centros.