Novas Universidade

CCOO irrompe con forza na Xunta de Persoal de PTXAS da Universidade de Vigo

Os resultados foron históricos: tras anos sen representación neste órgano, CCOO converteuse na segunda forza máis votada, obtendo 6 delegadas e delegados, sendo ademais o sindicato máis apoiado no Campus de Vigo. Este respaldo supón un importante avance para a nosa organización e, sobre todo, unha gran responsabilidade coa que asumimos este novo ciclo.

Presentación do informe sobre o financiamento da educación universitaria en España]

CCOO denuncia a caída do 14 % no financiamento da universidade pública en España desde 2009

O sindicato presentou en conferencia de prensa un informe sobre o financiamento da educación universitaria en España que evidencia a deterioración da universidade pública debido, principalmente, ao insuficiente financiamento e ao auxe das universidades privadas nas dúas últimas décadas e no que se constata que o financiamento caeu 14 puntos porcentuais en termos reais desde o ano 2009.

Consulta a revista TE de xubilacións do réxime xeral da Seguridade Social actualizada

🆕 Novidades

Suba do 2,8% das pensións contributivas

Aumento da flexibilidade na xubilación demorada

Cambios na normativa de compatibilidade entre pensión e actividade laboral

Cambios

Aínda queda por desenvolver a extensión do dereito á xubilación parcial para as empregadas e empregados públicos, tal e como se recolle no último acordo de pensións

CCOO e UGT logran que o Goberno se comprometa a implantar unha taxa de reposición adicional que garanta a xubilación parcial do persoal laboral do sector público

Na reunión celebrada entre a Área Pública de CCOO, UGT Servizos Públicos e o ministro para a Transformación Dixital e da Función Pública, Óscar López, concretouse modificar a normativa para que non se perda ese dereito. Así mesmo, acordouse abrir a negociación dun acordo salarial para 2025, así como reunir a comisión de seguimento do Acordo Marco para unha Administración do Século XXI para materializar os asuntos aínda pendentes e outra para empezar a negociar un novo acordo.

CCOO mobilizarase o 8 de abril para esixir unha suba salarial, o cumprimento do pactado e a negociación dun novo acordo para o sector público

A Área Pública de CCOO demándalle ao Ministerio de Función Pública o cumprimento completo do comprometido no Acordo Marco para unha Administración do Século XXI, a convocatoria dunha mesa de negociación para asinar un novo acordo plurianual, así como un incremento salarial significativo que permita recuperar o poder adquisitivo perdido.

Noelia Sánchez Vaamonde, nova Secretaria Xeral da Federación de Ensino de CCOO de Galicia

Guitiriz converteuse durante os días 14 e 15 de marzo de 2025 no epicentro do sindicalismo educativo galego coa celebración do 12º Congreso da Federación de Ensino de CCOO de Galicia. Un encontro marcado pola renovación e a homenaxe, onde Noelia Sánchez Vaamonde foi elixida como nova Secretaria Xeral, tomando o relevo de Luz López Pérez tras 12 anos de dedicación.