Mobilízate pola fin do xenocidio do pobo palestino

O mércores 15 de outubro CCOO e UGT convocamos paros parciais de dúas horas por turno en todos os centros de traballo de Galicia, para denunciar o xenocidio en Gaza. Acompañamos a convocatoria con materiais didácticos, un modelo de adhesión e unha comunicación voluntaria para que o desconto salarial poida destinarse a ONG con fins humanitarios.

Reunión coa Consellería pola Lei de Educación Dixital de Galicia

A Consellería de Educación vén de reunir ás organizacións sindicais para tratar o anteproxecto da Lei de Educación Dixital de Galicia, unha norma que leva en exposición pública desde o pasado febreiro e que acumulou máis de 660 achegas, reflexo do forte interese social que esperta. Desde CCOO Ensino consideramos que se trata dunha lei fundamental para definir o modelo educativo galego dos vindeiros anos, e por iso reclamamos que o seu desenvolvemento se faga con visión ampla, diálogo real e perspectiva pedagóxica.

Non cabe a neutralidade ideolóxica cando falamos de Dereitos Humanos

Desde CCOO Ensino denunciamos con firmeza o xenocidio que se está a producir contra o pobo palestino na Franxa de Gaza, ademais das deportacións, destrución, fame e negación de axuda humanitaria. A situación esixe unha resposta ética e social rotunda por parte de toda a comunidade internacional, e a comunidade educativa de Galicia non pode, nin debe, permanecer en silencio.

O ensino público precisa sumar, non dividir

A realidade sobre a folga do 25 de setembro. O profesorado merece información veraz, unha estratexia clara e non accións illadas.
A única forma de facer presión é evitando os enfrontamentos entre sindicatos e buscando a colaboración para conseguir obxectivos comúns, tal e como se fixo noutros territorios e, non hai moito tempo, tamén na nosa Comunidade.

18/23 horas lectivas para o curso 26/27

Na reunión deste martes 23 de setembro, finalmente o Ministerio presentounos a súa proposta para reducir por lei o horario lectivo do profesorado a un máximo de 18/23 horas, e que será de aplicación xa desde o vindeiro curso 2026-2027. Tamén se inclúe a proposta de redución de ratios.

18/23 horas lectivas: un avance que reforza o Acordo galego e marca o camiño para completar as melloras pendentes

CCOO Ensino valora como un avance relevante o anuncio feito hoxe polo presidente do Goberno, Pedro Sánchez, de levar a lei un máximo de 23 horas lectivas en Primaria e 18 horas lectivas en Secundaria, Bacharelato e resto de ensinanzas, así como a baixada de ratios e a redución da burocracia, con inicio de aplicación xa no curso 2026-27 e negociación coas organizacións sindicais e coas comunidades autónomas.

Reprochámoslle ao ministro de Función Pública a súa inacción e apremámolo a retomar o diálogo ou tomaremos medidas

CCOO, UGT e CSIF advertimos ao ministro de Función Pública, Óscar López, da grave parálise e da ausencia de diálogo coas organizacións sindicais, que representan máis do 80 % do persoal público. Reclamamos retomar de inmediato a negociación para abordar asuntos urxentes como o emprego, os salarios e a calidade dos servizos públicos, e avisamos de que, de non haber resposta, adoptaremos as medidas necesarias.

CCOO Ensino denuncia o veto no Consello Escolar de Galicia a unha resolución sobre Palestina

No Consello Escolar de Galicia celebrado onte, a nosa organización solicitou que se debatera unha resolución de condena do xenocidio que está a sufrir o pobo palestino e de apoio á paz, á convivencia e ao dereito internacional. A Presidencia do órgano rexeitou sequera admitir a súa presentación, baixo o argumento de que non era un tema propio do Consello.