No Día do Ensino celebramos a reapertura de negociacións co Ministerio

Desde CCOO Ensino celebramos neste Día do Ensino en Galicia que a presión sindical exercida onte, 30 de outubro, por CCOO, UGT e CSIF en todo o Estado obrigase ao Ministerio de Transformación Dixital e da Función Pública a reabrir as negociacións. As concentracións diante do Ministerio e das subdelegacións do Goberno en todas as provincias amosaron o malestar crecente das traballadoras e traballadores públicos ante a parálise das negociacións e o deterioro xeneralizado dos servizos públicos.

Comunicado conxunto para o profesorado galego sobre a unidade sindical

As organizacións sindicais CCOO Ensino, ANPE e UGT-SP lamentamos profundamente o malestar xerado entre o profesorado como consecuencia da situación que existe actualmente entre as organizacións sindicais do ensino galego. 

Ao igual que sucedeu na folga do 25 de setembro, non tiñamos pensado pronunciarnos ata despois da convocatoria de folga que se fixo sen contar con nós para os días 28 e 29 de outubro. Mais como ocorreu a finais de setembro, cando se pretendeu facer ver que existía un apoio maioriatrio do profesorado galego á folga, as manipulacións que estamos presenciando obrígannos a facer público o noso posicionamento (unha vez máis).

Listaxe de vacantes autorizadas froito do traballo das reunións técnicas da comisión de seguimento do Acordo sobre medidas de mellora

CCOO Ensino, ANPE e UGT-SP, ante a actitude “de aproveitamento do noso traballo” por parte doutras organizacións sindicais, vémonos na obriga de publicar os froitos do labor feito nas últimas semanas a través das reunións técnicas da comisión de seguimento do Acordo sobre medidas de mellora.

CCOO esixe ao Ministerio un calendario real e recursos suficientes para garantir a redución das ratios e a mellora das condicións do profesorado

CCOO é a organización que, co seu traballo e propostas, está a conseguir os avances e melloras actuais, pero debemos acadar máis.
Moitas das reivindicacións de CCOO derivan directamente do Acordo sobre medidas de mellora asinado en Galicia, no que seguimos traballando para o seu completo desenvolvemento, ao tempo que intensificamos as negociacións a nivel estatal para conseguir progresos máis ambiciosos e duradeiros.

A Federación de Enseñanza posiciónase fronte ao desprezo do ministro Óscar López coas empregadas e os empregados públicos

Traballadoras e traballadores da Educación formamos parte dos máis de tres millóns de empregadas e empregados públicos co salario conxelado, os únicos deste país nesta situación.
A tres meses de rematar 2025, o Goberno continúa negándose a negociar un novo marco de incrementos retributivos para este ano e os próximos, amais doutras materias de especial relevancia.

CCOO, UGT e CSIF convocarán folga en decembro se Función Pública segue sen negociar a suba salarial

O 30 de outubro comezan as protestas en toda España, cunha concentración fronte ás subdelegacións de Goberno e o Ministerio de Función Pública en Madrid.
O Goberno utiliza como escusa a falta de Presupostos para conxelar o soldo ás empregadas e os empregados públicos e bloquear un novo acordo salarial.

Por que celebrar o Día Internacional da Nena?

Esta data pretende reivindicar a igualdade de xénero desde a infancia, garantir o acceso á educación de todas as nenas, a súa participación na sociedade e na toma de decisións, e erradicar prácticas como o matrimonio infantil, a violencia de xénero, a mutilación xenital, etc. Ser nena non debería determinar o que podes facer, onde podes ir ou en quen … Ler máis