Toda a información da mesa sectorial do CXT e do concurso de orientación de primaria 2025/26

• Prevese que o concurso de traslados se publique en DOG o dia 4 de novembro. O prazo comezaría o 5 de novembro e remataría o día 25.
• Solicitamos unha negociación centralizada das vacantes con criterios obxectivos, tal e como se fixo en 2018.
  Nos próximos días compartirán connosco unha relación de prazas estruturais.
• Esiximos, no corpo de mestres/as, que se oferten todas as vacantes dos catálogos vixentes e que se manteñan as do primeiro ciclo da ESO, para garantir a mobilidade do profesorado do corpo de mestres/as.
• Solicitamos a apertura dunha negociación para actualizar o catálogo dos centros educativos, incrementando o número de prazas de Pedagoxía Terapéutica (PT), Audición e Linguaxe (AL) e persoal de atención á diversidade, como se fixo en 2017 coas prazas de PT nas catro provincias e máis recentemente coas prazas itinerantes de PT e AL.
  Recollen a nosa petición. Din que estamos nun proceso de cambio. Din que é certo que as NEE incrementáronse. É certo que hai moitas prazas provisionais. Vano revisar con calma e farán as cousas con sentido común.
  
• Denunciamos que a Administración está a amortizar prazas de PT creadas na etapa da anterior Conselleira aproveitando as xubilacións, o que supón un retroceso na atención á diversidade.
• Esiximos reforzar os departamentos de orientación para que as ratios se axusten ás recomendacións da UNESCO: 1 orientador/a por cada 250 alumnos/as.
• Demandamos que se oferten vacantes de Audición e Linguaxe na secundaria, nos centros que cada ano demostran a súa estruturalidade.
• Denunciamos que as inspeccións están a incumprir os catálogos, especialmente en Educación Infantil, asignando profesorado segundo o número de alumnado e non por unidades.
• Pedimos á Administración que aclare se convocará este ano o concurso específico de Adultos.
  Hai moi poucas prazas. Dúas en Primaria e catorce en Secundaria. Non o van convocar este ano. O curso que vén si o convocarán, incluíndo as prazas deste ano.

Emendas ao articulado:

• Base 2: pedimos que as vacantes provisionais se publiquen xunto coa apertura de solicitudes e que as vacantes definitivas o fagan antes ou xunto coa resolución provisional.
• Base 11: insistimos na necesidade de incorporar prazas de AL en secundaria e incluílas nos catálogos dos IES e CPI, xa que o alumnado con necesidades de fala e audición tamén cursa ESO.
• Base 12:
  • Solicitamos que tamén se inclúan as seccións bilingües (non só os centros plurilingües) como prazas con requisito de B2.
  • Reclamamos corrixir a incongruencia lingüística: o requisito de galego exíxese ao corpo 593 e non ao 594, a pesar de teren especialidades similares.
• Bases 29 e 31: propoñemos fixar datas orientativas para as resolucións provisional e definitiva do concurso.

Sobre o baremo:

É un concurso estable, que leva moitos anos e, por tanto, non van facer modificacións ao baremo, excepto as coordinacións.

• 1.1.3. Demandamos que non se perda a puntuación por especial dificultade ao cambiar de destino e que se recoñeza de oficio o tempo traballado neses centros.
• 3. Solicitamos que o premio extraordinario de mestrado se valore igual que os de doutoramento, grao ou outras titulacións.
• 4.1. Pedimos que se recoñeza o labor das persoas responsables de centros de menos de tres unidades como funcións de dirección.
• 4.3. Esiximos que se inclúan coordinacións como Edixgal ou Polos Creativos entre as funcións puntuables.
  Revisarano para engadilas.
• Apartado 4. Reclamamos que o profesorado substituto que exerza cargos (titorías, xefaturas, coordinacións) reciba tamén puntuación e complemento económico.
• Apartado 4. Propoñemos que, cando se exerzan varios cargos nun curso, se puntúen todos, ou polo menos se compatibilice a titoría con outras coordinacións.
• Demandamos que se baremen publicacións sen depósito legal e que se garanta transparencia nas decisións da comisión avaliadora.
• 6.2. Reiteramos a urxencia de clarificar a puntuación das actividades de innovación, especificando o valor da participación, coordinación e impartición.
• Consideramos que non debe puntuarse como mérito diferenciado o traballo en postos da Administración Educativa, xa valorado por antigüidade.
• 6.6. Pedimos que se puntuén titorizacións de títulos anteriores a Graos/Mestrados equivalentes e valoramos positivamente a eliminación da incompatibilidade co apartado 4.
• Disposición complementaria terceira. Solicitamos que se aclare expresamente que o Mestrado do Profesorado pode puntuarse en corpos onde non é requisito (mestres, música, artes…).