O Ministerio recoñeceu o carácter informativo da Mesa Sectorial e manifestou que non hai marxe para modificacións relevantes nos textos que irán a aprobación no Consello de Ministros, esta semana ou a seguinte, e que se publicarán no BOE ao día seguinte.
Comunicado conxunto das organizacións sindicais CCOO, FeUSO, FSIE e UGT á reunión de mediación do 14 de maio.
O 8 de maio celebrouse unha nova reunión da mesa negociadora do convenio colectivo. A resposta ás nosas demandas foi, unha vez máis, moi decepcionante.
Os sindicatos UGT-SP e CCOO solicitamos con urxencia un encontro co Director Xeral de Centros e Recursos Humanos da Consellaría de Educación para abordar as seguintes cuestións:
🔴 Implementación do Acordo de Xubilación Parcial na ensinanza concertada.
🔴 Análise da situación do persoal docente nos centros con exceso de ratio.
CCOO Ensino vén de solicitar unha reunión urxente á Directora Xeral de Formación Profesional á vista de todo o comentado nas xornadas FP Innova celebradas desde o mércores 24 ata o día de hoxe en Santiago de Compostela.
A escasos cinco meses do inicio do novo curso, aínda non recibimos ningunha comunicación por parte da Dirección Xeral de Formación Profesional sobre os plans que ten para implantar o novo modelo de FP derivado da Lei Orgánica 3/2022, de 31 de marzo, de ordenación e integración da Formación Profesional.
Reunión do 22 de abril de 2024 do XII Convenio de ensino privado regrado sen ningún nivel concertado ou subvencionado.
Animámoste a que te sumes a esta iniciativa compartindo os vídeos e movendo a protesta nas RRSS, co obxectivo de presionar á patronal e tratar de desbloquear as negociacións do convenio dos centros e servizos de atención a persoas con discapacidade.
XVI Convenio colectivo de centros e servizos de atención a persoas con discapacidade
O día 17 de abril celebrouse unha reunión no Sistema Interconfederal de Mediación e Arbitraxe, que nos permitiu trasladar aos mediadores as nosas propostas retributivas e de melloras sociais.
As persoas traballadoras dos centros de educación especial, dos centros especiais de emprego e dos centros de atención a persoas con discapacidade que atendemos en centros de día, centros ocupacionais, residencias e centros de atención temperá, entre outros, esiximos condicións dignas que estean á altura da profesionalidade coa que prestamos os nosos servizos.
Na última reunión do IV Convenio Colectivo de ocio educativo e animación sociocultural, celebrada o 10 de abril, CCOO propuxo importantes melloras nas condicións laborais do sector. Entre as medidas destacadas, figuran a redución da xornada anual e a introdución dun descanso remunerado de vinte minutos. CCOO continúa a súa loita para asegurar un equilibrio máis xusto entre a vida laboral e persoal dos traballadores e traballadoras nun sector especialmente precarizado.