O Acordo de diálogo social mellora a xubilación parcial e a calidade do emprego das persoas remudistas

O acordo formalizado hoxe por CCOO, UGT, CEOE, CEPYME e o Ministerio de Seguridade Social culmina a reforma de pensións iniciada en 2021 cunha lexislación mellorada do modelo de xubilación gradual e flexible, recoñecendo máis dereitos de xubilación parcial, un novo regulamento para a xubilación anticipada por traballos penosos e novos incentivos para a compatibilidade de traballo e pensión. Ademais das relativas a pensións, o acordo incorpora medidas como a recuperación do coeficiente multiplicador do 1,5 para mellorar os períodos de cotización das persoas con contrato fixo-descontinuo, entre outras materias.

A Consellería rectifica e aboará o 2 % de suba na totalidade de conceptos da nómina xa no mes de xullo

Tras a denuncia formulada o mércores 17 de xullo polos sindicatos asinantes do Acordo, a Administración recoñeceu o seu erro, comprometéndose a incorporar a suba do 2 % en todos os conceptos da próxima nómina a percibir, correspondente á mensualidade de xullo.

Esiximos a rectificación inmediata da orde de confección de nóminas

Desde CCOO Ensino, ANPE e UGT-SP queremos manifestar a nosa indignación ante a orde de confección de nóminas, que non recolle o incremento salarial do 2% nos complementos retributivos acordados. Ante esta situación, acudiremos á vía xudicial para garantir o cumprimento íntegro do Acordo asinado.

Publicada a orde pola que se declaran aptas na fase de prácticas as persoas opositoras que superaron as Oposicións 2023 de estabilización

Hoxe publícase no DOG a Orde do 27 de xuño de 2024 pola que se declaran aptas na fase de prácticas as persoas opositoras que superaron os procedementos selectivos convocados pola Orde do 5 de decembro de 2022, anunciada mediante a Resolución do 12 de decembro, da Dirección Xeral de Centros e Recursos Humanos, no Diario Oficial de Galicia número 242, do 22 de decembro, e outros.