Ante o atraso no pagamento do incremento salarial do 2 %, que debería ser retroactivo desde xaneiro de 2024, CCOO Ensino contactou coa Dirección Xeral de Recursos Humanos para esixir a aplicación inmediata desta actualización salarial.
Velaquí podes consultar a revista TE con todas as retribucións do PAE, actualizada coa última suba retroactiva do 2,5 % de 2025 e co 1,5 % de 2026, froito do Acordo Marco 2025-2028, asinado por CCOO. Podes tamén consultar os cadros de retribucións para persoal funcionario e para persoal laboral. Persoal funcionario Persoal laboral
Os acordos asinados por CCOO permitiron, nos últimos anos, que o profesorado galego gañe poder adquisitivo. Cando outros sindicatos que non asinaron ningún acordo vaian polo teu centro, pregúntalles que melloras conseguiron nos últimos sete anos.
Tal como adiantaron o pasado venres UGT Servicios Públicos e a área Pública de CCOO, o Consello de Ministros aprobou a suba salarial do 2,5 % para os máis de tres millóns de empregados públicos deste país, segundo contempla o acordo asinado por ámbolos sindicatos.
Representantes de CCOO Ensino mantiveron hoxe unha reunión co Conselleiro, o Secretario Xeral e o Director Xeral de Centros e Recursos Humanos para tratar diversos temas cruciais para o avance do sistema educativo na comunidade e das condicións laborais das súas traballadoras e traballadores. A xuntanza abarcou numerosas temáticas que afectan a múltiples colectivos profesionais e varias etapas educativas.
A área Pública de CCOO esixirá, na reunión que se celebra hoxe con Función Pública, medidas contundentes para realizar a suba salarial do 2,5 %, comprometida no Acordo Marco para unha Administración do século XXI.
CCOO considera esgotadas xa todas as marxes de paciencia e toca esixir coa máxima firmeza que o Goberno cumpra xa os compromisos adquiridos. De non ser así, quedará gravemente danada a confianza negocial entre as partes, e o propio ámbito do diálogo social nas administracións públicas, o que obrigaría á organización sindical a contemplar a posta en marcha de medidas en defensa dos dereitos dos máis de tres millóns de persoas empregadas públicas, para facer que o Goberno cumpra os acordos que asina.
O Acordo Marco para unha administración do século XXI recolle os incrementos retributivos e mellora das condicións de traballo do persoal funcionario e laboral das administracións públicas.
Na comisión de seguimento celebrada no día de hoxe acordouse calendarizar as materias para poder culminar neste ano o Acordo Marco, priorizando a xubilación parcial e a clasificación profesional, ademais do resto de materias recollidas no mesmo, como son a implantación da xornada de 35 horas ou a mellora do emprego público.
A Consellería confírmanos que na nómina do mes de febreiro farase o pagamento dos atrasos correspondentes ao 0,5 % que quedaba pendente do ano 2023 e tamén se fará a regularización das nóminas do 2024 aplicando esta mesma suba.