Convocada Mesa Sectorial para o martes, 21 de outubro
Orde do día:
– Orde do concurso xeral de traslados 2025-2026.
– Orde do concurso específico de orientación de primaria 2025-2026.
Subportada
CCOO, UGT e CSIF convocarán folga en decembro se Función Pública segue sen negociar a suba salarial
O 30 de outubro comezan as protestas en toda España, cunha concentración fronte ás subdelegacións de Goberno e o Ministerio de Función Pública en Madrid.
O Goberno utiliza como escusa a falta de Presupostos para conxelar o soldo ás empregadas e os empregados públicos e bloquear un novo acordo salarial.
Proposta de xornada e ‘ratios’: un avance insuficiente
O Ministerio retoma a negociación cunha proposta que incorpora algunhas demandas de CCOO, pero que segue sendo insuficiente ante un sistema educativo tensado e un profesorado exhausto. Esiximos medidas máis ambiciosas e aplicables de inmediato para reducir ratios, garantir unha xornada homoxénea e mellorar as condicións laborais do persoal docente.
Por que celebrar o Día Internacional da Nena?
Esta data pretende reivindicar a igualdade de xénero desde a infancia, garantir o acceso á educación de todas as nenas, a súa participación na sociedade e na toma de decisións, e erradicar prácticas como o matrimonio infantil, a violencia de xénero, a mutilación xenital, etc. Ser nena non debería determinar o que podes facer, onde podes ir ou en quen … Ler máis
Mobilízate pola fin do xenocidio do pobo palestino
O mércores 15 de outubro CCOO e UGT convocamos paros parciais de dúas horas por turno en todos os centros de traballo de Galicia, para denunciar o xenocidio en Gaza. Acompañamos a convocatoria con materiais didácticos, un modelo de adhesión e unha comunicación voluntaria para que o desconto salarial poida destinarse a ONG con fins humanitarios.
CCOO Ensino e UGT-SP rexeitamos o engano e a instrumentalización da CIG da folga nos sectores de discapacidade, escolas infantís e menores
En CCOO Ensino e UGT-SP rexeitamos a folga unilateral da CIG nos sectores de discapacidade, escolas infantís e protección de menores. Carece de viabilidade real e só serve para enganar. Defendemos a unidade sindical como única vía para avanzar.
Reunión coa Consellería pola Lei de Educación Dixital de Galicia
A Consellería de Educación vén de reunir ás organizacións sindicais para tratar o anteproxecto da Lei de Educación Dixital de Galicia, unha norma que leva en exposición pública desde o pasado febreiro e que acumulou máis de 660 achegas, reflexo do forte interese social que esperta. Desde CCOO Ensino consideramos que se trata dunha lei fundamental para definir o modelo educativo galego dos vindeiros anos, e por iso reclamamos que o seu desenvolvemento se faga con visión ampla, diálogo real e perspectiva pedagóxica.
Non cabe a neutralidade ideolóxica cando falamos de Dereitos Humanos
Desde CCOO Ensino denunciamos con firmeza o xenocidio que se está a producir contra o pobo palestino na Franxa de Gaza, ademais das deportacións, destrución, fame e negación de axuda humanitaria. A situación esixe unha resposta ética e social rotunda por parte de toda a comunidade internacional, e a comunidade educativa de Galicia non pode, nin debe, permanecer en silencio.
O convenio de educación concertada adáptase á lexislación LGTBI
O Ministerio modifica o convenio de educación concertada para adaptalo á nova lexislación contra a discriminación do colectivo LGTBI.
CCOO Ensino gañamos dúas sentenzas máis contra a Xunta por despedimentos en fraude de lei
Dúas traballadoras que desempeñaban o seu labor en centros da Consellería de Educación foron despedidas de maneira irregular. Os tribunais declararon nulo un dos despedimentos e improcedente o outro, obrigando a Xunta á readmisión, ao pagamento de indemnizacións e ás custas procesuais.