Ensino Privado

Negociación do convenio do ensino concertado: é o momento

A federación estatal de ensino de CCOO organizou unhas xornadas sindicais de traballo con presenza de representantes de todos os territorios do Estado, co fin de realizar unha análise de situación, necesidades, perspectivas e propostas de traballo no ámbito do ensino concertado.

CCOO avanzamos na negociación salarial do PAS na Concertada

CCOO presentamos a nosa proposta de revisión salarial do PAS da concertada para 2025, cunha liña vermella clara: non aceptaremos salarios base por debaixo do SMI.

A proposta garante un chan salarial digno e unha estrutura proporcional entre categorías para evitar que as futuras subas do SMI se absorban mediante complementos.

Na mesa reiteramos esta posición e, se non hai un avance real, reclamaremos mediación no SIMA.

A seguinte reunión, o 19 de marzo.

Comunicado sobre a unidade sindical nos sectores de Política Social en Galicia

A unidade sindical nos sectores de Política Social en Galicia viuse quebrada tras a convocatoria unilateral da CIG dunha concentración en Ourense, sen consenso nin comunicación previa, e incumprindo acordos comúns.

CCOO, UGT e USO consideramos inviable a súa continuidade, pero seguiremos traballando polas campañas Mércores de loita nos centros de traballo e Petiscos de realidade en defensa dos dereitos das persoas traballadoras.

Sen avances suficientes na negociación salarial: CCOO Ensino e as demais organizacións sindicais mantemos a presión

Negociación do VII Convenio Colectivo de empresas de ensino privado sostidas total ou parcialmente con fondos públicos. As catro organizacións sindicais na mesa defendemos a necesidade de proceder ao peche inmediato das táboas salariais correspondentes ao VII Convenio Colectivo, especialmente as do PAS e niveis non concertados: non se pode iniciar a negociación dun novo convenio sobre compromisos salariais pendentes … Ler máis

Que non te enganen! CCOO defende as condicións laborais de todo o persoal docente

CCOO defende as condicións laborais de todo o persoal docente, tanto no ensino público como no concertado. Por iso, presentamos no Consello Escolar do Estado unha emenda ao informe do Anteproxecto de Lei para reducir a carga lectiva máxima: até 23 horas en Infantil e Primaria e 18 horas en Secundaria. Esta mellora foi incorporada ao informe preceptivo do órgano consultivo tras o debate na Comisión Permanente (9 de decembro de 2025) e quedou recollida no texto aprobado polo Pleno o 12 de febreiro de 2026. En CCOO seguimos traballando para que os avances cheguen a todo o profesorado, sen excepción.

Compensación de festivos en día de descanso: recente sentenza e resolucións

As recentes resolucións do Tribunal Supremo establecen que, cando un festivo coincide co descanso semanal, debe compensarse: o festivo non se “perde”. No ámbito educativo, esta interpretación afecta a convenios como Acción e intervención social, Reforma xuvenil e protección de menores, Ocio educativo e animación sociocultural e Atención a persoas con discapacidade. Porque os descansos son un dereito.