Todas as OOSS con representatividade no ensino concertado queremos trasladar formalmente a nosa fonda preocupación pola situación que atravesa o ensino concertado en Galicia e, ao mesmo tempo, reafirmar con firmeza a nosa exixencia de apertura dun proceso de negociación real, efectivo e respectuoso que permita avanzar cara a melloras substanciais para o sector.
A mesa negociadora do Convenio de ensino concertado abordou a actualización da clasificación profesional. CCOO defende unha proposta que adapte o convenio á realidade dos centros, recoñeza novas categorías, garanta dereitos e mellore o recoñecemento das funcións e retribucións do sector.
O ensino concertado inicia mobilizacións ante a falta de avances na Comisión Tripartita e reclama á Consellería a apertura inmediata de negociacións sobre condicións laborais e melloras salariais para o PAS.
Consideramos imprescindible desbloquear a negociación no ensino concertado. Tras unha reunión sen avances, entregamos na Consellería de Educación e rexistramos oficialmente un documento coas principais reivindicacións do sector: actualización das condicións laborais, melloras na xubilación parcial e recoñecemento para o persoal de administración e servizos. Exiximos un cambio de actitude e a apertura inmediata dun proceso de negociación real.
A proposta patronal supón unha absorción dos complementos e non resolve a situación do PAS, desvirtuando as subas reais do SMI.
O sindicato lamenta que as posicións iniciais do resto das organizacións sobre o SMI non se mantivesen, sen defender a revalorización digna dos salarios do sector.
A federación estatal de ensino de CCOO organizou unhas xornadas sindicais de traballo con presenza de representantes de todos os territorios do Estado, co fin de realizar unha análise de situación, necesidades, perspectivas e propostas de traballo no ámbito do ensino concertado.
CCOO defende as condicións laborais de todo o persoal docente, tanto no ensino público como no concertado. Por iso, presentamos no Consello Escolar do Estado unha emenda ao informe do Anteproxecto de Lei para reducir a carga lectiva máxima: até 23 horas en Infantil e Primaria e 18 horas en Secundaria. Esta mellora foi incorporada ao informe preceptivo do órgano consultivo tras o debate na Comisión Permanente (9 de decembro de 2025) e quedou recollida no texto aprobado polo Pleno o 12 de febreiro de 2026. En CCOO seguimos traballando para que os avances cheguen a todo o profesorado, sen excepción.
Non recolle todas as nosas reivindicacións, pero mellora o marco anterior e incorpora avances importantes para as condicións laborais do persoal do sector.
Onte, xoves, 13 de novembro de 2025, celebrouse a reunión da Mesa Tripartita para valorar a última proposta de Acordo de xubilación parcial da Consellería de Educación.
CCOO Ensino manifestamos que, en exercicio de responsabilidade e por ser unha reivindicación dos e das docentes, asinaremos esta proposta definitiva.