Mes: Setembro 2025

Recoñecida a carreira profesional horizontal do persoal investigador e de apoio da USC

A USC recoñece por primeira vez a carreira profesional horizontal do persoal investigador e de apoio á investigación, un colectivo de arredor de 700 persoas. O acordo, impulsado por CCOO na Mesa Xeral de Negociación, permitirá o acceso a catro graos progresivos segundo antigüidade e méritos, con complementos salariais equivalentes aos da administración autonómica.

O PERSOAL INVESTIGADOR E DE APOIO Á INVESTIGACIÓN TAMÉN VERÁ RECOÑECIDO O COMPLEMENTO SALARIAL POR CARREIRA PROFESIONAL HORIZONTAL

O desenvolvemento da carreira horizontal, tamén para o persoal investigador e de apoio á investigación, xunto coa estabilización como persoal fixo dos contratos máis antigos e o desenvolvemento da contratación indefinida foron, dende as últimas eleccións sindicais, algúns do principais obxectivos da sección sindical de CC.OO na USC. Hoxe podemos anunciar que o próximo mércores 17 se procederá á firma oficial do acordo … Ler máis

Categorías USC

CCOO Ensino denuncia o veto no Consello Escolar de Galicia a unha resolución sobre Palestina

No Consello Escolar de Galicia celebrado onte, a nosa organización solicitou que se debatera unha resolución de condena do xenocidio que está a sufrir o pobo palestino e de apoio á paz, á convivencia e ao dereito internacional. A Presidencia do órgano rexeitou sequera admitir a súa presentación, baixo o argumento de que non era un tema propio do Consello.

As Comunidades Autónomas avanzan no fomento das universidades privadas a expensas da universidade pública

Desde boa parte das CC.AA. poténciase un modelo universitario no que prima, en moitos casos, a universidade como oportunidade de negocio, favorecendo o crecemento incontrolado e inxustificado de universidades privadas. Aposta por un modelo que non só non garante a igualdade efectiva de oportunidades, senón que incrementa as desigualdades sociais.

Valoración de inicio de curso 25-26

As organizacións sindicais CCOO Ensino, ANPE e UGT-SP, asinantes do “Acordo sobre medidas de mellora” convocamos hoxe aos medios para facer balance da aplicación das medidas incluídas neste acordo, con motivo do inicio de curso 2025/2026.
O noso balance é sereno e construtivo: recoñecemos avances que xa se notan nos centros, pero tamén sinalamos compromisos aínda pendentes de executar na súa totalidade.