Ensino Privado

Catro anos de inmobilismo e unha prórroga que traizoa o sector

En Galicia alertamos no seu momento de que o VII Convenio de Ensino Concertado significaría un estancamento nas melloras para as persoas traballadoras. Pasados catro anos, comprobamos que as mesas negociadoras foron un fracaso. Agora, asínase unha prórroga que perpetúa o inmobilismo.

É urxente diferenciar entre quen loita polos dereitos das persoas traballadoras e quen, aliándose coas patronais, renuncia a calquera posibilidade de mellora real.

Incremento salarial do 2% no pagamento delegado da concertada

Xa están dispoñibles as táboas salariais actualizadas para o persoal da ensinanza concertada con pagamento delegado. Inclúen un incremento do 2% nas retribucións, con carácter retroactivo desde o 1 de xaneiro de 2024, . Este aumento aplícase a todos os conceptos salariais, de acordo co previsto para o ano 2024 no Acordo Marco para unha Administración do século XXI asinado por CCOO.

FSIE: o monicreque da patronal

FSIE intenta desviar a atención da súa incompetencia atacando a CCOO, ao tempo que pretende erixirse como gran defensor de quen traballa na escola concertada.

Nada máis lonxe da realidade. Remitímonos aos feitos cunha comparativa, na que se aprecia que as únicas melloras laborais no sector nas últimas décadas se producen pola influencia de CCOO nos ámbitos de negociación nos que non está presente FSIE.

Denuncia ante a Valedora do Pobo pola inadecuada aplicación do “Acordo de medidas de mellora”

No día de hoxe, as tres organizacións asinantes do “Acordo de medidas de mellora” (CCOO Ensino, ANPE e UGT-SP) presentamos unha denuncia ante a Valedora do Pobo pola inadecuada aplicación que a Xunta de Galicia está facendo deste acordo malia o contido do texto publicado no DOG e asinado polo Presidente Rueda.