O sindicato dirixiuse ao ministro Óscar López para solicitar unha resposta expresa sobre o cumprimento do acordo entre Goberno e sindicatos respecto á suba salarial e outras materias
As organizacións sindicais CCOO Ensino, ANPE e UGT-SP informamos ao profesorado galego de que a Consellería de Educación regularizou as cantidades pendentes e corrixiu o erro aplicado en 2025 no cálculo dalgúns complementos retributivos vinculados ao Acordo sobre medidas de mellora asinado a finais de 2023.
Coa publicación onte, día 26 de xaneiro, da Orde de confección de nóminas para o ano 2026, tamén damos por bos os cálculos para a aplicación da parte fixa da suba para este exercicio.
Nestes días vimos reflectido na nómina o aboamento dos atrasos correspondentes á suba salarial do ano 2025 (2,5%), ingresados nunha nómina especial. Ademais, a final de mes percibiremos xa a suba de 2026 (1,5%). Estas dúas subas supoñen un 4,04% con respecto a decembro de 2024.
A aplicación do acordo de retribucións de Función Pública no ensino concertado mellora as condicións salariais do profesorado en pagamento delegado e debe servir para que o próximo convenio aborde por fin as discriminacións do persoal do sector.