Subportada

Suba nómina febreiro 2024

Confirmación da Consellería sobre as subas de salarios na nómina de febreiro

A Consellería confírmanos que na nómina do mes de febreiro farase o pagamento dos atrasos correspondentes ao 0,5 % que quedaba pendente do ano 2023 e tamén se fará a regularización das nóminas do 2024 aplicando esta mesma suba.

Propostas sen resposta: posibles accións para desbloquear o Convenio de atención á discapacidade

Nas negociacións do Convenio de atención á discapacidade, CCOO atopouse, de novo, coa falta de interese da patronal. A reunión do 7 de febreiro non trouxo melloras significativas, malia presentar propostas para modificar aspectos clave, como os artigos 29.2 e 32. A falta de compromiso das patronais, especialmente na última sesión, leva a considerarmos accións futuras para impulsar a negociación.

Aprobada a suba do 0,5 % para os salarios públicos

O Goberno aprobou no día de hoxe a suba do 0,5 % para os salarios públicos, con carácter retroactivo a xaneiro de 2023, tal e como se recollía no Acordo marco para unha administración do século XXI asinado por CCOO e UGT.

Con esta medida, faise efectivo o cumprimento por parte do goberno da suba da segunda variable do 0,5 % tras a confirmación de que o PIB do Estado superou o 2,1 % durante o ano 2023.