No día de hoxe celebrouse a Mesa Sectorial Docente Non Universitaria. Nos seguintes apartados podes consultar as intervencións de CCOO Ensino e as respostas da Administración sobre o calendario escolar 24/25, o concurso de direccións de centros escolares, o Plan de Igualdade da Consellería e outras cuestións.
Tal como adiantaron o pasado venres UGT Servicios Públicos e a área Pública de CCOO, o Consello de Ministros aprobou a suba salarial do 2,5 % para os máis de tres millóns de empregados públicos deste país, segundo contempla o acordo asinado por ámbolos sindicatos.
O Sindicato Nacional de CCOO e a Federación do Ensino de CCOO amosan o seu rexeitamento á decisión da Xunta de Galicia de autorizarlle á universidade privada de Abanca a creación dunha facultade de Ciencia, Tecnoloxía e Xestión da Saúde. Esta decisión corrobora o que o sindicato leva anos denunciando: que a autorización desta institución era un paso para privatizar o ensino universitario galego.
O día 20 de xuño de 2024 celebrouse, a petición de CCOO unha xuntanza coa Secretaría Xeral Técnica (SXT) da Consellería de Educación, onde se lle trasladaron as distintas propostas que afectan aos distintos colectivos desta Consellería.