Xornada Mundial polo Traballo Decente
O día 7 de outubro celébrase a Xornada Mundial do Traballo Docente. Consulta o manifesto conxunto de CCOO e UGT.
Mes: Outubro 2023
Fondo de Acción Social – Listas definitivas exercicio económico 2022
Publicación das listaxes definitivas de axudas aprobadas e denegadas dos criterios de repartición do Fondo de Acción Social do exercicio económico 2022, relativos á axuda para a atención de persoas con discapacidade para o persoal da Administración da Xunta de Galicia.
Publicada a listaxe provisional de persoas coordinadoras e titoras do prácticum do máster en profesorado e do curso de especialización en formación pedagóxica e didáctica de FP
- Listaxe provisional do máster en profesorado de ESO, Bacharelato, FP e ensinanzas de idiomas
- Listaxe provisional do curso de especialización en formación pedagóxica e didáctica do profesorado técnico en FP
Prazo de alegacións: desde mañá venres 6 ata o venres 13 de outubro de 2023, ambos incluídos, no correo formacion.fprofe@edu.xunta.gal
Táboas salariais do ensino non regrado 2023
O pasado mes de xullo, CCOO asinaba as táboas salariais para 2023. Os aspectos máis relevantes son os seguintes:
- Incrementos das retribucións entre un 3,75 % e un 8 % sobre todos os conceptos retributivos.
- Retroactividade desde o 1 de xaneiro de 2023.
- Incremento do 8 % para os postos de traballo vinculados ao salario mínimo interprofesional (SMI), ata chegar aos 15 120 euros anuais para 2023. Cómpre sinalar que, para acadar o SMI, ten que sumar o salario base e o complemento de dedicación, o que supón a imposibilidade de absorción de calquera outro complemento salarial.
- Incremento adicional de 300 euros anuais no salario base (+5,71 % do salario base en total) aos catro postos de traballo para os que se esixe maior titulación e sobre os que recae directamente a maior responsabilidade educativa: profesor/a titular, profesor/a de taller, educador/a social e titulado/a non docente.
É importante salientar que as ditas táboas salariais aínda non están publicadas no Boletín Oficial do Estado (BOE) e que, polo tanto, as empresas poden non actualizar os salarios mentres non se publiquen. Unha vez realizado este trámite, disporán dun prazo de dous meses, desde a publicación, para facer efectivos os atrasos que en cada caso poidan corresponder.
Segunda proposta de negociación do proxecto de acordo por parte da Consellería
Na continuación da mesa sectorial do luns, celebrada hoxe mércores 4 de outubro de 2023, a Administración presentou unha nova proposta ás organizacións sindicais. Esta proposta, aínda que recolle melloras en base ás demandas presentadas por CCOO, resulta insuficiente. Durante a reunión, este sindicato volveu lembrar as liñas vermellas para chegar a un acordo: Reducir o calendario de aplicación a un … Ler máis
Preguntas para impugnar do exame do 30 de setembro (Grupo V – Limpeza – Camareira limpadora, agora grupo AP)
Só para persoal do grupo V (Limpeza – Camareira limpadora), agora grupo AP
O prazo remata hoxe ás 12 horas da noite
Instrucións:
1. Entrar no FIDES.
2. Entrar en Procesos selectivos e aí xa pon Presentar alegacións.
3. Cubrir e presentar.
Mandamos varias. Cada quen que mande o que lle interese.
Preguntas para impugnar:
Descargar todas nun ZIP comprimido
Descargalas unha a unha (Formato Word):
Toda a información sobre a reunión no Servizo Interconfederal de Mediación e Arbitraxe (SIMA) do 2 de outubro (Discapacidade)
O pasado 28 de xuño, CCOO solicitou unha mediación na negociación do convenio colectivo de centros e servizos de atención a persoas con discapacidade debido á falta de progreso e á resistencia patronal a implementar melloras para os traballadores.
Froito da reunión mantida o 12 de xullo, retomáronse as conversas o 2 de outubro no SIMA. As organizacións patronais continuaron ignorando a negociación.
Tras a intervención do mediador, acordouse programar reunións específicas:
- 27 de outubro. Táboas salariais dos centros educativos concertados e non concertados, permisos, artigo 35 e horario nocturno.
- 8 de novembro. Contratación e clasificación profesional.
- 23 de novembro. Artigo 29 e artigo 4.
- 11 de decembro. Artigo 32 e incapacidade temporal.
CCOO urxe á patronal a actuar e colaborar na creación dun convenio que beneficie a máis de 200 000 persoas.