Ensino Privado

Logo das exitosas primeiras xornadas de folga e da concentración do 28 de outubro en Madrid, hoxe celebrouse unha nova reunión da Mesa Negociadora. Sentimos informar de que as negociacións coas organizacións patronais non avanzaron, xa que rexeitamos as propostas insuficientes plantexadas.

Dado que a situación segue sendo practicamente a mesma, desde CCOO facemos un chamamento:

• Ás traballadoras do sector, para que redobren a súa presión nas rúas, acudindo ás concentracións e sumándose aos seguintes paros convocados polo sindicato.
• Ás familias, para que se impliquen e participen en todas as iniciativas propostas.
• Ao resto de organizacións sindicais, para que se sumen ás xornadas de folga convocadas para o 8 e o 15 de novembro. É o momento de unirmos forzas en defensa dos intereses das persoas ás que representamos, máis alá das discrepancias que poidamos ter en momentos puntuais.

‌ infórmaTE

CONTINUAMOS COAS DÚAS XORNADAS DE FOLGA PREVISTAS PARA O 8 E O 15 DE NOVEMBRO

CCOO valora positivamente o seguimento da mobilización estatal, convocada hoxe en Madrid, contra a precarización nas escolas infantís privadas

Unha gran multitude, proveniente de distintas comunidades autónomas e que contou coa presencia dun numeroso e implicado grupo de traballadoras e delegadas sindicais galegas, concentrouse na céntrica Praza de Callao para defender ás traballadoras do primeiro ciclo de Infantil que arrastran unha situación laboral precaria desde hai anos e cuxa solución segue bloqueada na Mesa de Negociación pola negativa das patronais para poñerlle fin cunhas condicións dignas para a importante tarefa que desempeñan.

Segunda xornada de folga, cunha participación masiva ao igual que a primeira celebrada o pasado día 19 de outubro, a pesar dos servizos mínimos abusivos, na liña dos anteriores.

Empresas de xestión directa (privadas 100%) seguen vulnerando o dereito fundamental á folga.

CCOO xa denunciou esta práctica a semana pasada ante Inspección de Traballo e a nosa asesoría xurídica demandará todos os abusos cometidos.

Despois do éxito da primeira convocatoria o pasado xoves, convocamos a segunda xornada das catro previstas:

FOLGA e manifestacións o mércores 25 de outubro

• En Vigo, ás 12:00, saída do MARCO e chegada á Porta do Sol
• Na Coruña, ás 11:30, saída da Praza de Pontevedra e chegada a María Pita, pasando polo Obelisco

POR UN CONVENIO DIGNO E SALARIOS XUSTOS!

NON AO BLOQUEO DAS NEGOCIACIÓNS!

‌ Comunicado das organizacións sindicais convocantes

 Vídeo de convocatoria da folga

Un clamor de unidade e determinación resoou nas rúas de Vigo e A Coruña. As traballadoras da educación infantil 0-3 deron inicio á primeira de catro xornadas de folga e manifestación, nun esforzo continuado por alcanzar un "convenio digno".

Estas mobilizacións, que suceden ás xornadas de protesta de xuño, resaltan a constante intransixencia das organizacións patronais, que evitan a negociación e manteñen unha posición inmobilista.

A pesar das condicións climáticas adversas e dos servizos mínimos abusivos, o chamamento tivo un rotundo éxito, cunha participación do 80%.

Esta unidade vaise manter viva con plans de acción futuros, incluíndo unha gran mobilización en Madrid o vindeiro 28 de outubro.

FOLGA e manifestacións o xoves, 19 de outubro, ás 12:00

• Na Coruña, saída da Praza de Pontevedra e chegada ao Obelisco
• En Vigo, saída do MARCO e chegada á Porta do Sol

POR UN CONVENIO DIGNO E SALARIOS XUSTOS!

NON AO BLOQUEO DAS NEGOCIACIÓNS!

‌ Comunicado das organizacións sindicais convocantes

 Vídeo de convocatoria da folga

‌ infórmaTE

CCOO convoca catro días de folga contra o bloqueo das negociacións do XIII Convenio Colectivo de Centros de Asistencia e Educación Infantil.

F O L G A

19 e 25 de outubro

8 e 15 de novembro

‌ infórmaTE