Mes: Outubro 2023
Xuntanza coa Dirección Xeral de Función Pública
Os sindicatos asinantes do acordo de melloras do ensino, CCOO, ANPE e UGT-SP, tiñamos solicitada unha xuntanza coa Dirección Xeral de Función Pública que se materializou no día de hoxe, 23 de outubro.
As cousas claras (desmentindo bulos)
Logo das múltiples consultas trala sinatura do Acordo sobre medidas que melloran o funcionamento do sistema educativo e as condicións laborais do persoal funcionario e laboral docente puidemos constatar que hai un descoñecemento bastante xeneralizado do seu contido.
Estanse dando por boas certas mensaxes, interesadas en mobilizar ao profesorado de cara a unha folga, que son, literalmente, bulos.
Consulta o comunicado conxunto asinado por CCOO, ANPE e UGT:
Segunda xornada de folga e manifestación na educación infantil 0-3
Despois do éxito da primeira convocatoria o pasado xoves, convocamos a segunda xornada das catro previstas:
FOLGA e manifestacións o mércores 25 de outubro
- En Vigo, ás 12:00, saída do MARCO e chegada á Porta do Sol
- Na Coruña, ás 11:30, saída da Praza de Pontevedra e chegada a María Pita, pasando polo Obelisco
POR UN CONVENIO DIGNO E SALARIOS XUSTOS!
NON AO BLOQUEO DAS NEGOCIACIÓNS!
19 de outubro: día mundial da loita contra o cancro de mama
Unha de cada oito mulleres terá cancro de mama En España diagnosticáronse 35 000 casos de cancro de mama en 2023 As mulleres representan o 70 % do colectivo profesional do ensino A prevención e a detección temprana do cancro de mama son fundamentais para reducir a mortalidade e mellorar a calidade de vida das persoas diagnosticadas Desde CCOO Ensino … Ler máis
Mobilización masiva en educación infantil 0-3: éxito na primeira das catro xornadas de folga e manifestación
Un clamor de unidade e determinación resoou nas rúas de Vigo e A Coruña. As traballadoras da educación infantil 0-3 deron inicio á primeira de catro xornadas de folga e manifestación, nun esforzo continuado por alcanzar un "convenio digno".
Estas mobilizacións, que suceden ás xornadas de protesta de xuño, resaltan a constante intransixencia das organizacións patronais, que evitan a negociación e manteñen unha posición inmobilista.
A pesar das condicións climáticas adversas e dos servizos mínimos abusivos, o chamamento tivo un rotundo éxito, cunha participación do 80%.
Esta unidade vaise manter viva con plans de acción futuros, incluíndo unha gran mobilización en Madrid o vindeiro 28 de outubro.
Documentación para a mesa xeral de empregados/as públicos/as de mañá 20 de outubro de 2023
Orde do día: Promoción específica persoal laboral fixo Subgrupo A1 Subgrupo A2 Subgrupo C1 Agrupación Profesional Convocatorias funcionarización Subgrupo A1 Subgrupo A2 Subgrupo C2 Resolución excedencias Borrador de resolución Bolsa de horas Proxecto de orde
Máis contas e menos contos!
Por desgraza, debemos continuar coa serie de aclaracións sobre as desinformacións intencionadas que se están publicando sobre o Acordo de medidas que melloran o funcionamento do sistema educativo e as condicións laborais do persoal funcionario e laboral docentes. Pero como di o refrán… Quen cala, outorga!
Nesta ocasión toca explicar cales son as cantidades das melloras retributivas e como se reparten entre o profesorado en función das súas características.
