No día de hoxe celebrouse a Mesa Sectorial Docente Non Universitaria. Nos seguintes apartados podes consultar as intervencións de CCOO Ensino e as respostas da Administración sobre o concurso de orientación de primaria e outras cuestións.
Ante a incerteza dun novo concerto sanitario para os próximos anos dos nosos empregados públicos e os seus familiares, CCOO reclamou, na reunión do consello xeral de MUFACE celebrada hoxe, que, debido á gravidade da situación, deberíase abordar de maneira exclusiva o futuro da entidade e a garantía do servizo sanitario para todas as persoas mutualistas.
Ao longo desta semana, tal e como se informou previamente a toda a afiliación, en CCOO estamos celebrando as asembleas congresuais de nivel 1 en distintas localidades de Galicia.
Mércores 6 de novembro de 2024 – 18:00 a 19:30 horas
Preferencia para persoas afiliadas – Relator: Borja Campos
Prazo de presentación de solicitudes: do venres, 25, ata o xoves, 31 de outubro (ambos incluídos)
O Presidente Rueda anunciou hoxe que a Xunta lanzará unha nova oferta de emprego público en 2025 co fin de consolidar o cadro de persoal docente ata chegar ao máximo da taxa de reposición (120 %).
Desta maneira, aínda que non se coñecen as especialidades que se convocarán nin o reparto de prazas por especialidade, si que se pode contar cunha convocatoria de entre 1 000 e 1 500 prazas, na liña das ofertas correspondentes aos últimos exercicios.
Publicada a resolución definitiva pola que se fai pública a relación de centros seleccionados, non seleccionados e excluídos.
No día de hoxe, as tres organizacións asinantes do “Acordo de medidas de mellora” (CCOO Ensino, ANPE e UGT-SP) presentamos unha denuncia ante a Valedora do Pobo pola inadecuada aplicación que a Xunta de Galicia está facendo deste acordo malia o contido do texto publicado no DOG e asinado polo Presidente Rueda.
Ao igual que na mañá do pasado venres, 18 de outubro, faciamos referencia ás 19 interinidades que afloraron como froito das nosas demandas na comisión de seguimento do Acordo de medidas de mellora, non nos queda máis remedio que saír a desmentir á Consellería de Educación na súa publicación un venres á tarde.