Ao longo desta semana, tal e como se informou previamente a toda a afiliación, en CCOO estamos celebrando as asembleas congresuais de nivel 1 en distintas localidades de Galicia.
Como cada catro anos, celebramos os congresos que organizan o sindicato nas súas distintas estruturas. Estas asembleas de nivel 1 son o primeiro paso dun proceso de participación de toda a afiliación na toma de decisións sobre o rumbo a seguir na nosa acción sindical. Ademais, serven para poñer en común ou facer propostas de cambio respecto das normas, en forma de estatutos, que deben rexir o día a día de toda a organización.
Adicionalmente, escóllense as persoas que representarán o conxunto da afiliación nos seguintes niveis congresuais a celebrar ao longo de todo este curso 24-25.
Lembra que está dispoñible nesta web toda a información relativa aos congresos.
