CCOO e UGT Servizos Públicos valoramos a proposta de Función Pública para poñer en marcha a xubilación parcial para o persoal funcionario/estatutario e, ao tempo, insistimos en que debe ser unha prioridade absoluta para o Goberno facer efectiva en xuño a suba salarial de 2024 do persoal das Administracións públicas e sector público, que estaba prevista para abril ou maio.
A proposta de Función Pública está en liña coa reivindicación histórica de UGT e CCOO para poder implantar a xubilación parcial do persoal funcionario/estatutario en termos similares ao persoal laboral.
Neste sentido, o Goberno mostrou dispoñibilidade absoluta para culminar esta materia recollida no Acordo Marco para unha Administración do Século XXI, sen menoscabo da negociación que se está levando a cabo na Mesa de Diálogo Social de Seguridade Social.
Igualmente, ambos os sindicatos insisten na culminación do resto de materias incluídas no Acordo Marco, especialmente no ámbito da Administración Xeral do Estado (AXE) e Servizo Exterior.