Toda a información da Mesa Sectorial sobre o Concurso xeral de traslados do 13 de outubro de 2026

Consideracións xerais

• Reclamamos unha negociación centralizada das vacantes con criterios obxectivos, como se fixo en 2018. Esta negociación comezou a esbozarse na Mesa Sectorial o ano pasado, pero a Administración finalmente non quixo culminala.

Van continuar coa negociación a nivel provincial.
Van mandar un listado coas prazas que se consideran estruturais de cara á negociación.

• Valoramos positivamente o incremento de case 200 prazas de PT e AL grazas ao acordo.
• Esiximos que se ofrezan todas as vacantes recollidas nos catálogos vixentes do corpo de mestres/as.
• Pedimos que se siga facilitando a mobilidade dos mestres e mestras que aínda teñen destino no primeiro ciclo da ESO.
• Denunciamos o incumprimento dos catálogos, especialmente nos apoios de Educación Infantil.
• Valoramos positivamente o incremento de máis de 50 prazas de Orientación en secundaria.
• Reclamamos o reforzo dos departamentos de orientación ata alcanzar a ratio recomendada pola UNESCO: 1 profesional por cada 250 estudantes.
• Esiximos que se oferten vacantes estruturais de AL en secundaria (597061).

Emendas ao articulado

• Base 2:
  • Pedimos que se publiquen as vacantes provisionais durante o prazo de solicitudes e as definitivas antes ou simultaneamente á resolución provisional.
  • Reclamamos a inclusión expresa das prazas itinerantes de AL, ademais das de PT.
• Base 11: esiximos incorporar aos catálogos dos IES e CPI as prazas estruturais de AL.
• Base 12:
  • Pedimos incluír as seccións bilingües nas prazas que requiren acreditación B2.
  • Reclamamos corrixir a diferenza na esixencia da certificación de galego entre os corpos 593 (catedráticos/as de música e artes escénicas) e 594 (profesores/as de música e artes escénicas).

Baremo

Somos conscientes de que moitos aspectos do baremo veñen determinados pola normativa básica e non poden modificarse nesta negociación. Con todo, queremos deixar constancia do noso desacordo con algúns deles.

• Apartados 1.1 e 1.2: valoramos positivamente o cómputo íntegro dos servizos durante as excedencias por violencia de xénero.
• Apartado 1.1.3:
  • Reclamamos que non se perda a puntuación por especial dificultade ao cambiar de destino definitivo.
  • Pedimos o recoñecemento de oficio dos servizos en centros de especial dificultade.
• Apartado 3:
  • Reclamamos que se puntúen os premios extraordinarios de mestrado.
  • Valoramos positivamente a inclusión dos títulos de lingua de signos.
  • Esiximos eliminar a desigualdade na puntuación dos certificados de EOI de linguas cooficiais.

Propuxérono ao estado pero non se aceptou.

• Apartado 4.1: pedimos puntuar os servizos como responsable de centros de menos de tres unidades.
• Apartado 4.3:
  • Valoramos positivamente a incorporación de coordinacións como E-Dixgal e Polos Creativos.
  • Reclamamos puntuar as coordinacións do Club de Ciencias e STEMbach.
  • Pedimos o recoñecemento expreso do persoal asesor de CIEDIX, CGIFP e Abalar.
  • Esiximos puntuar os cargos e coordinacións exercidos polo profesorado substituto e aboar os complementos correspondentes.
  • Reclamamos puntuar todos os cargos desempeñados simultaneamente ou, cando menos, compatibilizar a puntuación da titoría coa doutras coordinacións.

Van mirar de incorporar todas as figuras análogas recoñecidas por esta Administración.

• Publicacións:
  • Reclamamos que se puntúen as publicacións sen depósito legal.
  • Esiximos maior transparencia nos criterios de baremación e nos motivos de exclusión.
• Apartado 6.2: pedimos concretar as puntuacións por participación, coordinación e impartición de actividades de innovación educativa.
• Apartado 6.4: reclamamos eliminar a puntuación específica por desempeñar postos na Administración educativa, xa que estes servizos xa se valoran pola antigüidade (apartados 1.1 e 1.2) e, nalgúns casos, polo desempeño de cargos (apartado 4).
• Apartado 6.6:
  • Pedimos puntuar as titorizacións de titulacións anteriores aos graos e mestrados, cando sexan equivalentes.
  • Manifestamos o noso desacordo coa exclusión das titorizacións de funcionariado en prácticas anteriores a 2023/24, aínda que a normativa estatal non permita modificalo.
• Disposición complementaria terceira:
  • Reclamamos aclarar expresamente que o Mestrado en Profesorado de Educación Secundaria puntúa nos corpos nos que non constitúe requisito de acceso.

Non van modificar o baremo.