Día: 2 Novembro, 2023

Reunión da Mesa Negociadora do convenio de infantil: unha nova decepción

Logo das exitosas primeiras xornadas de folga e da concentración do 28 de outubro en Madrid, hoxe celebrouse unha nova reunión da Mesa Negociadora. Sentimos informar de que as negociacións coas organizacións patronais non avanzaron, xa que rexeitamos as propostas insuficientes plantexadas.

Dado que a situación segue sendo practicamente a mesma, desde CCOO facemos un chamamento:

  • Ás traballadoras do sector, para que redobren a súa presión nas rúas, acudindo ás concentracións e sumándose aos seguintes paros convocados polo sindicato.
  • Ás familias, para que se impliquen e participen en todas as iniciativas propostas.
  • Ao resto de organizacións sindicais, para que se sumen ás xornadas de folga convocadas para o 8 e o 15 de novembro. É o momento de unirmos forzas en defensa dos intereses das persoas ás que representamos, máis alá das discrepancias que poidamos ter en momentos puntuais.

‌ infórmaTE

CONTINUAMOS COAS DÚAS XORNADAS DE FOLGA PREVISTAS PARA O 8 E O 15 DE NOVEMBRO

Suspéndense as concentracións por Palestina de hoxe na Coruña e en Vigo

Debido á alerta meteorolóxica pola borrasca Ciarán, cancélanse as concentracións previstas para esta tarde na Coruña e en Vigo.

Nos próximos días, comunicaremos unha nova data para estas mobilizacións coas que queremos expresar a nosa solidariedade co pobo palestino da Franxa de Gaza, que sofre un ataque de Israel sen precedentes, agravado pola ausencia de axuda humanitaria, coas persoas totalmente desprotexidas.

‌ Manifesto de apoio ao pobo palestino

Toda a información da comisión de persoal ordinaria do 30 de outubro de 2023 (PSEC)

Entre outras cousas:

  • presentouse o proxecto de orde que vai regular o procedemento de acceso ao FIDES,
  • anunciouse que hoxe remitirán a proposta de decreto de oferta e as bases de distintos procesos selectivos,
  • o venres vai á comisión de persoal a promoción interna horizontal,
  • a semana que vén van á mesa e á comisión as convocatorias de funcionarización e a funcionarización dos laborais fixos en excedencia.

‌ infórmaTE