Mes: Xullo 2023

Publicadas baremacións provisionais da fase de concurso de Seguridade no traballo e Hixiene industrial, A1 e A2 (PSEC)

RESOLUCIÓN do 29 de xuño de 2023, do tribunal designado para xulgar o proceso selectivo para o ingreso no corpo superior da Administración xeral da Comunidade Autónoma de Galicia, subgrupo A1, escala superior de seguridade e saúde no traballo, especialidades de seguridade no traballo, de hixiene industrial e de ergonomía e psicosocioloxía aplicada, convocado pola Orde do 28 de febreiro de 2019 pola que se fai pública a baremación provisional da fase de concurso

RESOLUCIÓN do 29 de xuño de 2023, do tribunal designado para xulgar o proceso selectivo para o ingreso no corpo de xestión da Administración xeral da Comunidade Autónoma de Galicia, subgrupo A2, escala técnica de seguridade e saúde no traballo, especialidades de seguridade no traballo e de hixiene industrial, convocado pola Orde do 28 de febreiro de 2019 pola que se fai pública a baremación provisional da fase de concurso.

Convocada folga e concentracións pola recuperación do poder adquisitivo nos centros Concepción Arenal e CIEMA, xestionados por Camiña Social

As organizacións sindicais CCOO Ensino, CIG-Ensino e UGT-Servizos, ademais dunha folga, teñen convocadas dúas concentracións para mañá, mércores 12 de xullo, unha ás 11 horas diante do Centro de Menores Concepción Arenal (Lugar de Palavea, 2 , 15008 A Coruña) e outra diante do Edificio Administrativo de Monelos ( rúa Vicente Ferrer, 2, 15008, A Coruña), cun desprazamento dun sitio ao outro a modo de caravana reivindicativa de coches, pola recuperación do poder adquisitivo dos salarios, na defensa do convenio colectivo propio e pola mellora do servizo que se presta aos menores.