Mes: Xullo 2023

Publicada no BOE a orde de integración do profesorado PTFP no corpo de PES

Publicada a orde EFP/848/2023, de 17 de xullo, pola que, a proposta da Consellería de Cultura, Educación, Formación Profesional e Universidades da Comunidade Autónoma de Galicia, se integra no Corpo de Profesores de Educación Secundaria ao persoal funcionario de carreira do Corpo de Profesores Técnicos de Formación Profesional da Comunidade Autónoma de Galicia, a extinguir, en virtude do procedemento convocado por Orde do 28 de octubro de 2022.

 

Ver o documento publicado no BOE

Relación definitiva de persoas que superaron o concurso para postos de dirección e asesorías de CFR e CAFI

Relación definitiva de persoas que superaron ambas partes do proceso de selección e detalle das cualificacións obtidas en ambas partes do proceso recollido na orde pola que se convoca concurso público de méritos para cubrir postos de dirección dos centros de formación e recursos e asesorías do Centro Autonómico de Formación e Innovación e dos centros de formación e recursos.

‌Na web da Consellería

Convocadas actividades de formación continua (presencial e teleformación) en materia de violencia de xénero na EGAP (PSEC)

RESOLUCIÓN do 4 de xullo de 2023 pola que se convocan as actividades de formación continua en materia de violencia de xénero para o persoal ao servizo das administracións territoriais, institucionais e entes públicos instrumentais do sector público da Comunidade Autónoma, así como do persoal da Administración de xustiza de Galicia e de administración e servizos (PAS) das tres universidades galegas

  • Está exceptuado o persoal docente da Consellería de Cultura, Educación, Formación Profesional e Universidades.
  • O prazo de presentación de solicitudes será de dez días a partir do 13 de xullo de 2023 (incluído).
  • As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo https://egap.xunta.gal/ matricula desde as 8.00 horas da data de inicio do prazo de presentación de solicitudes e ata as 23.55 horas da data de finalización. As solicitudes entenderanse presentadas unha vez que se complete correctamente o proceso de matriculación.
  • O número máximo de cursos que se poden solicitar durante o prazo de presentación de solicitudes limítase a tres.