Iniciouse o funcionamento dos grupos de traballo cunha reunión do primeiro deles: «Marco de competencias profesionais docentes e formación inicial do profesorado» (documento marco, graos e másteres en educación).
Non temos aínda calendario completo de traballo; esixímolo e recordamos o compromiso en Mesa Sectorial de que o cuarto grupo, sobre as condicións necesarias para o desempeño docente, teña un desenvolvemento simultáneo co primeiro.
O Ministerio respondeu que, efectivamente, serán simultáneos, que así o están traballando e axiña nos chegará convocatoria.
Iremos informándovos dos progresos e de como evoluciona a situación.
Lembramos que os traballos deben ser áxiles, sen se dilatar en aspectos teóricos, e que deben conseguirse obxectivos concretos a curto prazo.
Por suposto, todas as actuacións de CCOO neste proceso de negociación están orientadas a conseguir melloras moi substanciais nas condicións laborais e profesionais de todo o profesorado.