O sindicato estima que é necesario un incremento de docentes e persoal complementario para cumprir coas recomendacións sanitarias propostas polo Goberno central. Para iso propoñerá un Pacto Estatal que asegure a estabilidade laboral e a maior provisión de recursos humanos no sector. Velaquí podes consultar mais información
Lembrámosvos que, por acordo adoptado na Comisión negociadora do convenio o pasado 29 de abril, a comisión de bolsas non se constituirá ata a primeira semana de xuño. Polo tanto, non será ata entón cando se poidan iniciar os trámites para solicitar a dita axuda.
En canto se inicie o proceso, remitirémosvos a información e documentación para que todas as persoas interesadas poidan realizar as solicitudes.
A Federación de Ensino de CCOO rexistrou o pasado 12 de maio petición de convocatoria con carácter de urxencia da Mesa Estatal de Ensino Concertado, onde todas as organizacións sindicais e patronais representativas do sector poidan acometer e acordar, xunto ao Ministerio de Educación, aquelas medidas que permitan establecer uns protocolos claros, concisos e concretos de actuación nos centros educativos.
Velaquí podedes ver a REVISTA con todas as taboas salariais do ensino concertado para o ano 2020
Tras a última reunión, quedou patente unha vez máis que CCOO é a única organización sindical que prioriza os intereses das persoas traballadoras, sen encartarse aos designios das patronais.
Velaqui tedes o resumo e valoración da xuntanza
O pasado 30 de xaneiro convocóusenos á reunión de Constitución da Mesa de Negociación do VII Convenio Colectivo de empresas de ensino privado sostidas total ou parcialmente con fondos públicos que se celebrou o 27 de febreiro na sede de Educación e Xestión. CCOO acudiu á devandita reunión cos certificados de representatividade sindical de todas as Comunidades Autónomas do Estado. … Ler máis
Os representantes sindicais de FSIE, UGT, CCOO e USO foron recibidos pola conselleira de Educación, Dª Carmen Pomar Tojo. Despois de máis de seis meses intentando ser recibidos, e mediando unha expulsión policial da Consellería e un peche, o pasado 9 de xaneiro fomos recibidos, por fin, pola conselleira de Educación, que estivo acompañada polo director xeral de Centros e Recursos Humanos e pola subdirectora xeral de Centros, nunha xuntanza na que non houbo concreción sobre os temas tratados e tras a que, de non haber movementos, non se descartan as mobilizacións.
