Carreira profesional
A CIG volve votar en contra de que se abra un novo grao de carreira profesional extraordinaria. Se polo “SINDICATO DO NON” fose, deixarían sen cobrar o complemento de carreira a milleiros de traballadores e traballadoras desta Administración.
Na Comisión de Persoal do 28 de novembro aprobouse o Acordo (co voto a favor de CCOO) que permitirá a convocatoria dun novo grao de carreira profesional extraordinaria (I, II ou III segundo o que corresponda en cada caso) para o persoal funcionario e laboral da Xunta de Galicia.
O Acordo publicarase no DOG o día 2 de decembro de 2025 e o prazo de presentación de solicitudes comezará o día seguinte e permanecerá aberto ata o 30 de decembro de 2025.
As porcentaxes de cobro do complemento serán as seguintes:
- 2025: 35% (con efectos económicos e de recoñecemento retroactivos a 1 de xaneiro de 2025)
- 2026: 70% (a cobrar desde 1 de xaneiro de 2026)
- 2027: 100%
Os atrasos do ano 2025 aboaranse nunha nómina complementaria no mes de xaneiro ou febreiro de 2026 en función da resolución das solicitudes. Ademais, tamén se percibiran os atrasos correspondentes á suba salarial pactada a nivel estatal a principios de xaneiro de 2026.
Os requisitos de formación (ademais de ter a antigüidade requirida) serán 40 horas para o Grao I, 80 horas para o Grao II e 120 horas para o Grao III.
Haberáconvocatorias extraordinarias durante os anos 2026, 2027 e 2028 para todos aqueles que non poidan solicitar o grao na convocatoria de 2025 por non cumprir algún dos requisitos.
Por último, nesta comisión de persoal tamén quedou aprobado (obviamente co voto en contra da CIG) o Decreto que regulará a carreira profesional con carácter ordinario na Xunta de Galicia que despregará todos os seus efectos no ano 2029, que será no que se publique a primeira convocatoria de carreira ordinaria.
Neste Decreto é onde se garante o “entronque” entre a carreira extraordinaria e a ordinaria mediante as convocatorias dos anos 2026, 2027 e 2028 co obxectivo de que se alguén non cumpre os requisitos para pedir a carreira no 2025, poida facelo nos sucesivos anos.
Seis anos despois de establecer mediante o acordo de concertación social asinado por CCOO a carreira profesional para todos os empregados e empregadas públicas da Xunta de Galicia, hoxe vimos a culminar este proxecto coa apertura dun novo grado extraordinario que supón un importante incremento retributivo nas nóminas dos empregados e empregadas públicas desta administración.
| Grupo/Subgrupo(RDL 5/2015) | Importe anual |
| A1/I | 2.856,67 |
| A2/II | 1.999,24 |
| B | 1.424,70 |
| C1/III | 1.257,96 |
| C2/IV | 1.094,40 |
| E (Lei 30/1984) e agrupacións profesionais /V | 884,24 |
Estas cantidades son as correspondentes a cada un dos grados para o ano 2025 e están incrementadas nun 2,5% froito do acordo de suba de retribucións pactado a nivel estatal para os anos 2025-2028.