Reclamamos garantir a igualdade de oportunidades, unha formación de calidade e emprego digno, entre outras cuestións.
Recibimos as manifestacións do presidente do Goberno en relación coa necesidade de poñer coto á proliferación de “chiringuitos” na FP privada. Esta é unha das conclusións recollidas no informe que CCOO presentou o pasado 22 de xaneiro.
Valoramos positivamente esta coincidencia, pero queremos insistir en dous aspectos:
- É necesario pasar das palabras aos feitos e, polo tanto, acelerar o trámite lexislativo desta proposta contando coa comunidade educativa e, moi especialmente, coas organizacións representativas do profesorado de FP na súa redacción.
- É imprescindible que se acompañe dun plan potente e integral de fortalecemento e promoción da FP pública, tanto presencial como en liña.
Non somos indiferentes. Como afirmabamos no informe: “desde Comisións Obreiras defendemos que só unha Formación Profesional pública, suficiente, gratuíta e de calidade pode garantir a igualdade de oportunidades, unha formación de calidade, emprego digno e un proxecto de vida autónomo para a mocidade”.