O vindeiro 1 de maio entra en vigor o novo concerto de asistencia sanitaria de MUFACE para 2025-2027, que contará coas entidades Adeslas e ASISA. A partir dese día, abrirase un prazo especial de cambio de entidade que rematará o 31 de maio.
Durante este mes, o persoal mutualista poderá elixir libremente entre a opción pública (INSS) ou as concertadas. Quen non queira facer ningún cambio, non terá que realizar trámite ningún.
No caso das persoas adscritas a DKV, que sae do concerto, deberán escoller unha nova entidade antes de rematar maio ou serán adscritas automaticamente ao INSS a partir do 1 de xuño. Ata entón, DKV prestará a asistencia sanitaria nos mesmos termos que ata agora.
Ademais, tamén se pon en marcha o novo concerto de asistencia sanitaria internacional, xestionado por Nueva Mutua Sanitaria, para o persoal mutualista destinado ou residente no estranxeiro, cunha ampla rede sanitaria dispoñible en máis de 120 países.
Máis información: