Demos nome de muller aos nosos centros educativos
Dende a Federación de Ensino de CCOO de Galicia, celebramos o vindeiro 8 de marzo, Día das mulleres, cunha proposta de promover o uso de nomes de mulleres que destacaron e destacan no ámbito público a través darlle os seus nomes aos nosos centros educativos.
Queremos visibilizalas para que a sociedad e, en especial, o alumnado, entendan que as mulleres achegamos á humanidade moitas outras sabedorías, ademais da do coidado das persoas. E queremos revalorizalas para que nosas estudantes teñan modelos nos que fixarse, que lles dean confianza en si mesmas e nas súas capacidades, sen restrición de ámbitos.
