Instrucións para o terceiro trimestre do curso 2020-21
Velaqui podedes ver as instrucións para o 3ª trimestre e a súa ampliación do 28 de maio.
Mes: Maio 2020
Mesa Sectorial 26 de maio. Oposicións e prórroga de direccións
CCOO aposta pola blindaxe da oferta de emprego público de 2020 mantendo o número de prazas e especialidades convocadas.
A Consellería entende que non hai garantías xurídicas para a acumulación das OPE de 2020 e 2021, polo que continuará adiante coa convocatoria.
Velaquí podes consultar a intervención e valoración de CCOO sobre as oposicións e no resto dos puntos da mesa de hoxe
CCOO-ensino rexeita o “PROTOCOLO” presentado pola Consellería de Educación porque non se dan as garantías sanitarias para un retorno seguro á actividade educativa presencial
Os representantes de CCOO-ensino, primeiro sindicato do ensino en Galicia, volvéronlle trasladar á Consellería de Educación a súa oposición a calquera retorno á actividade educativa presencial así como o rexeitamento ao "protocolo" presentado .
CCOO propón ao resto de organizacións sindicais e patronais representativas do sector unha declaración conxunta en defensa do 0-3
CCOO volveu manifestar unha vez máis que a volta aos centros ten que vir determinada por criterios de saúde pública e educativos, e non económicos ou de conciliación familiar.
Velaquí podes ver a proposta de CCOO
CCOO aposta por dotar a todo o profesorado de equipos informáticos así como dunha formación integral en materia TIC e denuncia as fendas en materia de seguridade e protección de datos que se estan a dar nestes momentos
O sindicato solicitou á Consellería que dote ao persoal docente e aos centros con ferramentas de correo electrónico, xestor de arquivos e almacenamento na nube, aplicación de videoconferencias, etc e presenta unha serie de propostas e reflexións sobre as necesidades para un ensino telemático de calidade en Galicia.
Ademais denuncia a vulneración da lei de protección de datos e as fendas de seguridade que están a ter as ferramentas postas a disposición do profesorado neste momento
MESA SECTORIAL 20 de maio – Protocolo de reinicio da actividade lectiva
Na Mesa Sectorial de hoxe tratouse o Proxecto do protocolo de reinicio da actividade lectiva , o resto dos puntos da Orde do día quedaron adiados para o vindeiro martes 26 de maio.
CCOO-ensino manifestou que non se debe reiniciar a actividade lectiva presencial para ningún colectivo porque non se dan as garantías sanitarias para a seguridade da saúde das e dos traballadores, polo tanto non apoiamos o documento presentado hoxe na Mesa Sectorial.
Velaquí podes ver a intervención de CCOO-ensino
CCOO esixe ao Ministerio de Educación na Mesa Sectorial do Estado máis recursos e medidas de seguridade e saúde para afrontar a volta ás aulas
O sindicato tamén expuxo as dificultades que poden xurdir coas Ofertas de Emprego Público que se pospuxeron ao ano que vén e que están reguladas polo RD 84/2018, xa que pode existir un conflito entre estas prazas e as que se queiran sumar a estas, e que estarán reguladas por outra normativa de acceso. Nese sentido, pedimos seguridade xurídica para abordar a situación ao Ministerio de Educación e Formación Profesional.
CCOO-Ensino incidirá mañán na Mesa Sectorial de Galicia na situación dos procedementos selectivos do 2020.