40 horas
A profesión docente precisa coñecemento do sistema educativo e das condicións laborais que o sustentan. Este curso está deseñado para acompañarte nese proceso de aprendizaxe.
A través de catro módulos, abordarás temas que inclúen a comprensión dos conceptos clave do teu posto de traballo, as posibilidades de mobilidade para achegarte ao teu destino desexado, as condicións laborais e outros aspectos importantes para a túa carreira, como MUFACE, promoción interna e xubilación.
O curso, impartido na plataforma Moodle, combina contidos teóricos, materiais complementarios e actividades prácticas para que poidas aplicar o aprendido de maneira efectiva. Mediante exemplos reais, infografías e lexislación actualizada, obterás unha visión clara e detallada do sistema educativo no que vas traballar.
- Lugar de celebración: Plataforma de teleformación de CCOO Ensino (Moodle).
- 40 horas.
- Datas de celebración: do 15 de setembro ao 19 de outubro de 2025.
- Titoras: Patricia Pereira, Marta Prieto, Judit Puente-Dodd.
- Custo: De balde.
- Prazas: 150.
- Prazo de matrícula: ata completar prazas.
- Solicitada homologación á Consellería de Cultura, Educación e Ordenación Universitaria.
Obxectivos
- Proporcionar unha base sólida de coñecementos prácticos e normativos sobre o exercicio da función docente no ensino público.
- Facilitar a comprensión e uso dos recursos institucionais e legais dispoñibles para o profesorado funcionario de carreira.
- Favorecer unha aprendizaxe contextualizada e aplicable mediante a resolución de casos prácticos e a análise de situacións reais.
Contidos
- O posto de traballo docente: xornada, asignación de grupos, catálogo de postos, cupos e acordos organizativos vixentes no ensino público.
- Mobilidade no corpo docente: concurso xeral de traslados, destinos provisionais (CADP), comisións de servizos, permutas, supresións e desprazamentos.
- Condicións laborais do funcionariado docente: retribucións, permisos, licenzas, excedencias, saúde laboral, itinerancias e dereitos derivados do posto.
- Xestión administrativa da carreira profesional: MUFACE, compatibilidades, promoción interna, función directiva e modalidades de xubilación.
- Formación permanente e desenvolvemento profesional: itinerarios formativos, recoñecemento da competencia dixital docente e actualización continua.
- Aplicación práctica dos coñecementos adquiridos: resolución de casos reais e simulacións vinculadas á práctica docente e á xestión da carreira.
- Uso autónomo da plataforma Moodle como contorno de aprendizaxe: navegación, descarga de materiais, participación en foros e entrega de actividades.