Este mércores celebrouse a primeira mesa de negociación do Convenio de centros especiais de emprego de Galicia, despois da súa constitución, o pasado 19 de xaneiro.
CCOO somos o sindicato maioritario no sector e iso non é casualidade. É o resultado dun compromiso total e absoluto coas persoas traballadoras e de facer un sindicalismo útil, serio e responsable.
Nós fixemos os deberes co firme propósito de negociar sen prexuízos nin bloqueos, e presentamos unha plataforma reivindicativa realista, traballada e sólida; pensada para mellorar as condicións laborais de todas as persoas traballadoras do sector.
Esta plataforma aposta por:
- Mellores salarios e recuperación do poder adquisitivo.
- Máis estabilidade no emprego.
- Conciliación real da vida laboral e persoal.
- Mellores permisos, xornadas máis xustas e máis dereitos.
- Máis protección en saúde laboral.
- Máis recursos para as persoas traballadoras con discapacidade.
Porque un convenio non é un papel. É a vida diaria de miles de persoas traballadoras. CCOO vai estar nesta negociación coma sempre: defendendo dereitos, defendendo dignidade e defendendo futuro.