Mesa do VII Convenio de Ensino Concertado: continúan as negociacións sobre a revisión salarial do PAS para 2025.
Na reunión da Mesa Negociadora das táboas salariais do VII Convenio de educación concertada, CCOO demostramos unha vez máis que estamos plenamente do lado das persoas traballadoras. A patronal mantivo unha proposta de revisión salarial do PAS para 2025 que non respecta os principios esenciais para a dignidade e a equidade dos salarios. A revisión salarial centrouse nestas categorías, xa que as táboas salariais do persoal docente xa foran fixadas pola Administración.
Neste contexto, desde CCOO presentamos a nosa proposta de revisión salarial, que explicamos nos seguintes puntos.
O punto de partida da negociación 2025
CCOO non asinamos as táboas de 2023 nin as de 2024, por considerar que non supuñan unha mellora salarial real suficiente: mantiñan salarios base por debaixo do SMI o que, por tanto, permitía que as subas do SMI se absorbesen cos complementos.
Hoxe mantemos unha posición clara:
Non imos aceptar táboas salariais con salarios base por debaixo do SMI.
A proposta de CCOO. Criterios claros
A nosa proposta parte de dúas ideas:
1️⃣ Ningún salario base por debaixo do SMI
2️⃣ Proporcionalidade na remuneración das diferentes categorías, para que siga tendo un sentido equitativo.
Os salarios das distintas categorías do PAS da Concertada pódense agrupar en seis tramos.
🔹 TRAMO 1 – Salario base 2024: 1052,72 €
Categorías incluídas:
- Auxiliar
- Recepcionista telefonista
- Auxiliar
- Garda / Vixilante
- Empregada/o limpeza, costura, lavado e prancha
- Empregada/o comedor
- Empregada/o mantemento, xardinería e oficios varios
🔹 TRAMO 2 – Salario base 2024: 1080,33 €
Categorías incluídas:
- Coidadora/o
- Porteira/o
- Axudante de cociña
- Oficial 2.ª oficios
🔹 TRAMO 3 – Salario base 2024: 1126,39 €
Categorías incluídas:
- Cociñeira/o
🔹 TRAMO 4 – Salario base 2024: 1181,74 €
Categorías incluídas:
- Oficial contable
- Xefa/e de cociña
- Oficial 1.ª oficios
- Condutoras/es
🔹 TRAMO 5 – Salario base 2024: 1238,64 € / 1238,41 €
(Agrupados no mesmo tramo por ser unha diferenza mínima)
Categorías incluídas:
- Conserxe
- Xefa/e de negociado
- Gobernanta/e
🔹 TRAMO 6 – Salario base 2024: 1470,79 €
Categorías incluídas:
- Xefa/e de Administración ou Secretaría
Táboa salarial 2025 (mensual, 14 pagas)
En 2024 ningunha persoa cobrou por debaixo do SMI porque existía o complemento ao SMI. Por iso na táboa presentamos as columnas Salario base 2024 e Salario real 2024 e calculamos o incremento tomando como referencia o salario realmente percibido en 2024.
| Tramo | Salario base 2024 | Salario real 2024 | Proposta CCOO 2025 | Incremento real |
| Tramo 1 | 1052,72 € | 1134,00 € | 1184,00 € | + 4,41 % |
| Tramo 2 | 1080,33 € | 1134,00 € | 1211,61 € | + 6,84 % |
| Tramo 3 | 1126,39 € | 1136,85 € | 1236,90 € | + 8,80 % |
| Tramo 4 | 1181,74 € | 1192,72 € | 1266,56 € | + 6,19 % |
| Tramo 5 | 1238,64 € | 1249,92 € | 1293,26 € | + 3,47 % |
| Tramo 6 | 1470,79 € | 1484,45 € | 1535,65 € | + 3,45 % |
Que conseguimos con esta proposta?
✔ Salarios base por enriba do SMI
✔ Evitar a absorción de futuras subas
✔ Corrixir o problema estrutural para os próximos anos
✔ Manter a proporcionalidade entre categorías
Próximos pasos na negociación
Ante a postura da patronal, desde CCOO reiteramos a nosa posición e advertimos de que, se non se produce un avance real na negociación, será necesaria unha mediación no SIMA.
A seguinte reunión está prevista para o 19 de marzo.
CCOO mantémonos firmes para acadar unha solución salarial que responda ás necesidades reais das persoas traballadoras.