Ensino Público

CCOO denuncia a posible vulneración da negociación colectiva e a falta de transparencia na creación do complemento salarial para o PTFP

No Consello da Xunta de 2 de marzo, aprobouse un complemento salarial específico para compensar a 665 docentes do corpo Profesores Técnicos de FP que non poden integrarse no corpo de Profesorado de Ensino Secundario (PES). CCOO Ensino congratúlase por iso, pero déixase a súa sorte a outros colectivos. Ademais, a negociación das condicións salariais ten o seu ámbito na Mesa Sectorial e os interlocutores son as organizacións sindicais.

CCOO Ensino denuncia que non se pretenda estender o dereito ao complemento salarial ao profesorado interino con carácter retroactivo, como vai suceder co profesorado de carreira. Tampouco se estende aos compañeiros do corpo de sectores singulares da FP, nin ao profesorado xubilado despois de xaneiro de 2019.

Finalmente, CCOO Ensino reclama que tal complemento salarial sexa tamén extendido ao resto de persoal docente que permanece aínda en grupo A2.

‌ Nota de prensa

Xa podes participar na segunda edición do Barómetro Internacional de Saúde e Benestar do Persoal Educativo

A Internacional da Educación, en colaboración coa Rede Educación e Solidariedade e a cátedra Unesco de Educación e Saúde, puxeron en marcha en 2021 o primeiro Barómetro Internacional de Saúde e Benestar do Persoal Educativo. Este ano lánzase a segunda edición deste Barómetro na que participarán 13 países, entre eles España (coordinado pola Federación de Enseñanza de CCOO).

‌ Folla de man asociada

‌ Cuestionario anónimo

Listaxe definitiva de admitidos/as no concurso de méritos extraordinario de estabilización

Publicación das listaxes definitivas de persoas admitidas e excluídas nos procedementos selectivos extraordinarios de estabilización para o ingreso, mediante concurso de méritos, convocados mediante a Orde do 19 de outubro de 2022. ‌Procedemento de reclamación: interposición de recurso de reposición na sede electrónica utilizando o código de procedemento: ED001B ou mediante solicitude xenérica (en caso de non aparecer na listaxe … Ler máis

PROXECTO de addenda ao Acordo de Interinos

Na vindeira Mesa Sectorial do xoves 2 de marzo tratarase o PROXECTO de addenda ao Acordo de Interinos, para adaptalo á Lei 20/2021, do 28 de decembro, de medidas urxentes para a redución da temporalidade no emprego público e á Lei Orgánica 3/2022, de 31 de marzo, de ordenación e integración da Formación Profesional.

‌ Proxecto de addenda ao Acordo de Interinos

Día internacional da muller e da nena na ciencia

É imprescindible visibilizar as mulleres referentes do sector e impulsar unha coeducación científica realmente transversal para, deste xeito, incrementar a presenza das mulleres na investigación, porque a ciencia e a innovación son liñas estratéxicas imprescindibles para conseguir un mundo máis xusto, solidario e igualitario.

A Federación de Ensino de CCOO reclama máis recursos para poder facer efectiva esa coeducación e a presenza dunha figura que, en igualdade e coas horas de dedicación que esta actividade esixe, poida realizar as funcións necesarias para o seu desenvolvemento e o do colectivo que integra.