CCOO asina, xunto coas organizacións sindicais UGT, USO, FSIE e as patronais do sector, o IX Convenio Colectivo de universidades privadas, centros universitarios privados e centros de formación de posgraos.
O novo convenio, que terá vixencia ata decembro de 2025, aborda fundamentalmente a revisión salarial e unha adecuación lexislativa actualizada, á espera da publicación do novo decreto de universidades.
Ademais, crearase unha mesa técnica na que, durante a vixencia do IX convenio, se tratarán diversos aspectos para ir avanzando de cara ao próximo convenio colectivo.
Materias esenciais do IX convenio:
- Suba salarial do 3,5 %, coa que se afianza a cuestión económica e con carácter retroactivo desde o 1 de xaneiro de 2025.
- Medidas para a igualdade e non discriminación das persoas LGTBI na empresa.
- Protocolo fronte ao acoso e a violencia.
- Adaptación legal da conciliación familiar e laboral e excedencias.
Logo do asinamento procederase ao seu rexistro no Ministerio de Traballo, quedando á espera da próxima publicación no BOE.
Desde CCOO seguiremos velando pola adecuada aplicación do convenio nos centros afectados por el.