A crise da COVID-19 esixiu ao persoal docente moita creatividade, innovación e colaboración. Neste contexto, o seu liderado é fundamental dado o enorme impacto que poden ter na vida dos seus estudantes. Por iso, este ano as conmemoracións do Día Mundial das e dos Docentes están dedicadas a recoñecer o seu inestimable esforzo e traballo para brindar unha resposta educativa durante a pandemia.
O apartado 2.A.3. do Protocolo de Adaptación ao contexto da COVID-19 nos centros de ensino non universitario de Galicia para o curso 2020-2021, versión 16-09-2020, establece:
"Se algunha persoa do núcleo familiar é sospeitosa de padecer a COVID-19, o alumnado ou o persoal do centro que convivan con elas non poderán acudir ao centro ata que se coñeza o resultado da proba e sexa negativo. A persoa afectada ou a súa familia comunicarán o resultado á persoa coordinadora COVID do centro".
Os días que o persoal docente e non docente non poida acudir ao centro por esta circunstancia, xustificará a ausencia cunha declaración responsable (descargar modelo en PDF editable)