Os cursos, que teñen unha duración de 70 horas, poderán ser solicitados por todas as persoas maiores de dezaseis anos ou por aquelas que os fagan no ano natural da convocatoria, que desexen mellorar o seu coñecemento e dominio do galego e preparar as probas que a Secretaría Xeral de Política Lingüística convoca periodicamente para certificar a competencia nesta lingua.
Para inscribirse hai que acceder ao enderezo electrónico https://formacion-lingua.xunta.gal, seleccionar o curso que se desexe e cubrir a solicitude de inscrición. Cada persoa só poderá inscribirse nun único curso.
Para participar nos cursos en liña, a persoa debe dispoñer dun equipamento informático que cumpra os seguintes requisitos:
- Un ordenador con conexión a internet (de banda larga)
- Un navegador web
- Un micrófono ou calquera medio alternativo que permita a gravación de voz en formato electrónico
Se un curso ten máis solicitantes ca prazas dispoñibles, a asignación farase a través dun sorteo.
Os cursos presenciais desenvólvense en sesións de dúas horas e media, de luns a xoves.
Cursos presenciais
- Provincia de A Coruña
- Provincia de Lugo
- Provincia de Ourense
- Provincia de Pontevedra
Cursos en liña
