CCOO critica que o Ministerio queira saír do paso presentando un documento evidentemente insuficiente, coa única pretensión de cumprir co prazo máximo dun ano para o seu desenvolvemento que establece a LOMLOE, sen que do borrador se desprenda un interese real por recoñecer e mellorar a profesión docente e as condicións do profesorado.
O documento presentado onte na mesa de negociación docente contén propostas parciais e difusas en relación coa formación inicial, a formación permanente, o acceso e ingreso docente e a carreira profesional. Ningunha delas progresa na liña de mellorar e homologar as condicións do profesorado nin de solucionar os problemas máis importantes.
A Federación de Ensino de CCOO sostén que, para cumprir realmente a súa función, o Estatuto Docente debe incluír, entre outras cuestións, as seguintes:
- Unha mellora e equiparación das condicións laborais, con especial relevancia da redución da carga lectiva con carácter xeral e básico.
- Unha redución das cocientes que permita un desempeño profesional de calidade.
- Unha mellora e homologación das licenzas e permisos e das medidas de acción social.
- Regular a xubilación docente anticipada, voluntaria e incentivada. Unha revisión da xubilación daqueles e aquelas docentes que, pertencendo á Seguridade Social, requiren de fórmulas que permitan a súa homologación á fórmula das Clases Pasivas.
- A homologación das condicións laborais e retributivas do profesorado, a súa revisión á alza e o avance cara a un corpo único docente.
- Unha verdadeira carreira e promoción profesional vertical e horizontal, e unha promoción dos funcionarios de corpos dos subgrupos A2 a corpos de subgrupo A1.
- Unha mellora real da formación inicial e non só cribas para reducir as persoas que acceden a ela, e as egresadas e egresados.
- Avances importantes en formación permanente que aseguren o acceso ao profesorado a ela, con recursos e dentro do horario laboral.
- Unha revisión do ingreso e acceso á profesión docente para, despois do proceso transitorio para a estabilización e a redución da temporalidade, mellorar a selección do perfil de profesorado con especial relevancia nos aspectos pedagóxicos e unha inmersión real na profesión cunha fase de prácticas realmente formativa e ben articulada.
CCOO esixe ao Ministerio que presente un documento desde o que se poida traballar para cumprir cos urxentes e ineludibles obxectivos de dignificar a profesión docente e mellorar as condicións do profesorado.
Asemade, o sindicato esixiu que se regule de forma inmediata o paso ao A1 do corpo de Profesorado Técnico de FP, aprobado na LOMLOE. A Federación de Ensino de CCOO considera inasumible o enorme e incomprensible atraso. O procedemento debe ser áxil e automático, ha de iniciarse simultaneamente en todas os CC. AA. e estar aberto de forma permanente para as persoas que poidan cumprir os requisitos con posterioridade. Debe asegurarse tamén que o profesorado das 10 especialidades que quedan no corpo singular poidan acceder tamén ao A1 se cumpren o requisito de titulación. Doutra banda, é necesario que se regule un complemento de equiparación salarial para o profesorado técnico de FP que non cumpra co requisito para o paso ao A1.
CCOO tamén manifestou a gran preocupación pola situación actual da pandemia nos centros educativos e a inacción da Administración á hora de tomar medidas para asegurar a presencialidad segura, resentida pola relaxación das medias implementadas o curso pasado e a eliminación de recursos extra sen que se faga nada respecto diso.