PAS Funcionario da USC

• Representantes de CCOO de PAS funcionario
• Programa electoral de CCOO
• Propostas presentadas á Xunta de Persoal

Por unhas condicións de traballo mellores, Plan Plurianual:

Para este novo mandato xa temos deseñado, e mesmo comunicado a todo o persoal, unha estratexia, un Plan plurianual para o PAS do que xa reclamamos a súa negociación ao actual equipo de goberno nada máis tomar posesión.
Este Plan plurianual supón retomar as nosas demandas de mellora que non chegaron a facerse efectivas no anterior mandato; pero que deberán concretarse agora obrigando ao novo equipo de goberno a facer fronte aos seus compromisos electorais co persoal.

Eixos do Plan Plurianual:

• Estabilización de prazas de interinos
• Desenvolvemento carreira profesional para o PAS
• Plan de promocións para laborais e funcionarios
• Reordenación de prazas e categorías
• Convenio Colectivo para persoal de Proxectos
• Completar a equiparación salarial e posta en marcha da Mesa sectorial no ámbito do Sistema Universitario Galego (SUG)

Principais propostas para o PAS Funcionario:

As nosas propostas céntranse na defensa do dereito do colectivo á carreira profesional tanto a través dunha oferta de promoción interna xusta e congruente coa realidade da USC como co desenvolvemento da carreira profesional horizontal que nos permita promocionar sen cambiar de posto de traballo.

Ademais, defenderemos a corrección dos agravios comparativos que existen tanto con respecto ao persoal funcionario doutras universidades galegas como dentro da propia USC (subidas de niveis mínimos, equiparación de niveis de responsables de unidade, premio de xubilación…)

• Completar a Homologación de trienios
• Equiparar os niveis mínimos dos postos base de todos os grupos equiparándonos co resto das universidades galegas: A-1/Nivel 25, A-2/Nivel 22, C-1/Nivel 18, C-2/Nivel 16
• Secretarías Decanato e Departamento subida de nivel de 18 a 19
• Xefes de negociado, Responsables asuntos económicos e Secretaría de dirección de servizos centrais subida de nivel de 20 a 21
• Promocións C-1 a A-2. Persoal de C-1 (sobre 330 persoas) que nos últimos 12 anos non tivo opción de promocionar ao subgrupo A2
• Apertura a tres grupos (A1/A2/C1) das prazas ata nivel 25
• Unificación niveis Responsables de Unidade, nivel 24
• Desenvolver a carreira profesional horizontal (ao igual que se está a facer noutras administracións)
• Premio de xubilación tamén para PAS funcionario e Recuperación achegas Fondo de Pensións
• Concursos de traslados anuais
• Modificar os criterios de comisións de servizo e a súa concesión por unha comisión permanente avaliadora
• Estender ao persoal funcionario a redución da xornada por cesamento progresivo da actividade regulada no convenio para o persoal laboral

Principais propostas para o PAS Funcionario Interino:

Este colectivo precario que actualmente é do 25% da RPT ten que ter unhas convocatorias axeitadas de estabilización, acordes ás funcións que veñen desempeñando e co recoñecemento máximo dos seus méritos por antigüidade. Debemos facer realidade as Convocatorias de Estabilización de Interinos na USC para cumprir as leis actuais (por debaixo do 7%).

É moi importante para CCOO que non se perda esta nova oportunidade de consolidación como xa pasou en 2007, xa que facilitará avanzar outros temas.

• Valoración da experiencia: Fase de concurso do 40% do total da nota da oposición
• Temarios: Precisos e adecuados ás tarefas a desenvolver
• Formación: Accións formativas que desenvolvan os temarios
• Exames: Probas precisas e adecuadas ás tarefas a desenvolver
• Prazas das OPEs pendentes de convocatoria: Mesmo tratamento que Convocatorias de Estabilización

Ver o programa específico de persoal funcionario